2 Timoteo 1:5 - BAIBLO ALOO NGMAMI KLƆUKLƆU Ɔ

⁵ I kaiɔ o hemi kɛ yemi nɛ o hɛɛ mi anɔkuale mi kaa bɔ nɛ o nã Loise, kɛ o nyɛ Eunike hu hɛɛ mi ɔ. I heɔ yeɔ kaa o hɛɛ hemi kɛ yemi nɛ ɔ mi kɛ mwɔɔ.

Somi He Ɔ

⁵ Ye hɛ ngɛ o hemi kɛ yemi nɛ lakpa be mi ɔ nɔ, nɔ́ nɛ kekle nɛ e ngɛ o na Loise kɛ o nyɛ Eunike mi, nɛ i ngɛ he wami ngɛ nɔ kaa e ngɛ mo hu o mi ɔ.

2 Timoteo 1:5 ပူးပေါင်းရင်းမြစ်များ

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

La 22:10

Kɛ je be mi nɛ maa fɔ mi tɔɔ lɛ i ngɔ ye hɛ ngɔ fɔ o nɔ. Mo nɔ kake too ji ye Mawu.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

La 77:6

Nyɔ mi tsuo i susu ye yi mi wawɛɛ nitsɛ, nɛ ye susuma pee vii. I de ngɛ ye yi mi ke,

La 81:15

Jinɛ ni nɛmɛ nɛ sume imi, Yawɛ ɔ, a kpla si ngɛ ye hɛ mi, nɛ a ngɛ a tue gblae kɛ yaa neneene.

La 86:16

Plɛ o hɛ mi ha mi, nɛ o na mi mɔbɔ. Wo imi, o tsɔlɔ ɔ he wami, nɛ o kpɔ mi. Ejakaa bɔ nɛ maa, o mawayo ɔ sɔmɔ mo ɔ, jã kɛ̃ lɛ i ngɛ mo sɔmɔe ɔ nɛ.

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Ni Tsumi 16:1

Paulo ba su Derbe, nɛ e tsa nɔ kɛ ya Listra. Benɛ e su Listra a, e ba na nɔ ko nɛ heɔ Yesu yeɔ ngɛ lejɛ ɔ. A tsɛɛ lɛ Timoteo. E nyɛ ɔ, Yuda yo nɛ heɔ Yesu yeɔ ji lɛ; se e tsɛ lɛɛ Hela no.

Ni Tsumi 26:26

Matsɛ Agripa, i ngɛ munyu tue kɛ kã kɛ ngɛ mo tsɔɔe, ejakaa o le sane nɛ ɔmɛ a mi. I he we yi kaa ní nɛ ɔmɛ eko ngɛ nɛ a kɛ laa mo; ejakaa a pee we ekoeko ngɛ kɔkɔɔmi.

Romabi 14:14

Nɛ i ngɛ Kristo mi ɔ, i kpá si, nɛ i le kaa niye ní ko niye ní ko be nɛ he tsɔ we. Se ke nɔ ko buu niye ní ko kaa e he tsɔ we ɔ, lɛ nɛ niye ní ɔ he tsɔ we ha.

Romabi 14:5

E peeɔ ni komɛ kaa ligbi ɔmɛ ekomɛ a he hia pe ekomɛ, be mi nɛ ni komɛ susuɔ kaa ligbi ɔmɛ tsuo sɔ. Nɔ tsuaa nɔ nɛ pee e juɛmi ngɛ nɔ́ nɛ ɔ he.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

Romabi 4:21

Ejakaa Abraham he ye wawɛɛ kaa si nɛ Mawu wo lɛ ɔ, e maa ye nɔ.

Romabi 8:38

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli kpa komɛ nɛ ngɛ hiɔwe jio, níhi nɛ ngɛ jio, níhi nɛ maa ba jio, he wami kpa ko jio,

2 Korintobi 6:6

Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

Hebribi 6:9

Wa huɛmɛ nɛ wa suɔ, ke wa ngɛ munyu tue kaa kikɛ nɛ ɔ po, nyɛɛ lɛɛ wa heɔ nyɛ yeɔ kaa nyɛ ngɛ nɔ́ kpakpa pee, nɛ lɔ ɔ ma ha nɛ Mawu ma he nyɛ yi wami.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.