2 Timoteo 1:15 - BAIBLO ALOO NGMAMI KLƆUKLƆU Ɔ

¹⁵ Kaa bɔ nɛ o le ɔ, nihi nɛ ngɛ Asia a tsuo kpa ngɛ ye se; a ti ni komɛ ji Figelo kɛ Hermogene.

Somi He Ɔ

¹⁵ O le enɛ kaa nihi nɛ ngɛ Asia a tsuo kpa ngɛ ye se, a ti ni komɛ ji Fegelo kɛ Hermogene.

2 Timoteo 1:15 ပူးပေါင်းရင်းမြစ်များ

2 Timoteo 4:16

Kekleekle nɛ i ya fa ye he ngɛ kojomi he ɔ, nɔ ko nɔ ko kɛ mi yɛ. Mɛ tsuo a si mi; Mawu kó gbla a tue ngɛ enɛ ɔ he.

Filipibi 2:21

Ni ɔmɛ kulaa a ti nɔ tsuaa nɔ ko ngɛ lɛ nɔ kake pɛ e nɔ mi foe. Yesu Kristo he sane ɔ pi a kɔmɔ.

Ni Tsumi 19:10

Nɔ́ nɛ ɔ ya nɔ jeha enyɔ sɔuu, nɛ Yuda bi, kɛ ma je li tsuo nɛ a ngɛ Asia a nu Nyɔmtsɛ ɔ munyu ɔ.

1 Korintobi 16:19

Asafo ɔmɛ nɛ a ngɛ Asia a ke a biɔ nyɛ. Akuila, kɛ Priskila, kɛ asafo ɔ nɛ kpee ngɛ a we ɔ mi ɔ ke a biɔ nyɛ saminya ngɛ Nyɔmtsɛ ɔ biɛ mi.

Ni Tsumi 19:27

Nɔ́ nɛ fɔɔ si paa ji, wa ní tsumi ɔ he guɛ ma gbo. Pi lɔ ɔ kɛkɛ, se mohu a maa ye yo mawu Artemi jami he ɔ he fɛu, nɛ bɔ nɛ a nyaa e he ngɛ Asia, kɛ je ɔ mi tsuo ɔ se maa po!”

Ni Tsumi 16:6

A po mi ngɛ Frigia, kɛ Galatia zugba a nɔ, ejakaa Mumi Klɔuklɔu ɔ ha we mɛ blɔ kaa a fiɛ munyu ɔ ngɛ Asia.

Ni Tsumi 20:16

Paulo pee e yi mi kaa e maa tsɔ Efeso he, konɛ e ko ya Asia. E ngɛ esɔ yee, konɛ ke e ma nyɛ ɔ, e ya ye Pentekoste ligbi ɔ ngɛ Yerusalem.

Ni Tsumi 19:31

Asia ma ní tsuli komɛ nɛ ji Paulo huɛmɛ tsɔ ba wo lɛ ga ke e ko ka kaa e ma ya je e hɛ mi kpo ngɛ lejɛ ɔ.

Ni Tsumi 2:9

Wa je Partia, kɛ Media, kɛ Elam; wa ti ni komɛ je Mesopotamia, Yudea, Kapadokia, Ponto, kɛ Asia;