2 Timoteo 1:12 - BAIBLO ALOO NGMAMI KLƆUKLƆU Ɔ

¹² nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Somi He Ɔ

¹² kɔlɔ ɔ nɔuu he nɛ i ngɛ nɛ ɔ nae nɔ nɛ. Se kɛ ɔ, e pee we mi zo, ejakaa i le nɔ nɛ i he ye ɔ, nɛ i ngɛ he wami ngɛ nɔ kaa e ma nyɛ nihi nɛ e to ha mi ɔmɛ a he maa bu kɛ ya si jamɛ a Ligbi ɔ nɔ.

2 Timoteo 1:12 ပူးပေါင်းရင်းမြစ်များ

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 31:5

Yawɛ, Mawu anɔkualetsɛ; i ngɔ ye he kɛ ha mo. Mo lɛ o ma he ye yi wami.

La 56:9

Ligbi ɔ nɛ ma fa kue ha mo pɛ ye he nyɛli ɔmɛ maa kpale a se. I le kaa Mawu kɛ mi ngɛ.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 50:7

Se enɛ ɔmɛ tsuo pee we mi nɔ́ ko, ejakaa Nyɔmtsɛ Mawu ɔ piɛ ye he, nɛ zo gbi mi. Lɔ ɔ he ɔ, i nu ye tsui, nɛ i wlua mi, ejakaa i le kaa zo be mi gbee.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Nahum 1:7

Yawɛ mi mi hi; e ngɛ kaa mɔ nɛ he wa ha nihi nɛ ngɛ haomi mi; nɛ nihi nɛ ba saa we ngɛ e ngɔ ɔ, e baa a yi.

Mateo 12:21

Nɛ ma je li tsuo maa ngɔ a hɛ kɛ fɔ e nɔ.”

Mateo 24:36

“Se jamɛ a ligbi ɔ, kɛ jamɛ a ngmlɛfia a, nɔ ko nɔ ko li. Hiɔwe bɔfo ɔmɛ li ɔ, Bi ɔ tete li; Tsɛ ɔ nɔ kake too lɛ le.

Mateo 7:22

Kojomi ligbi ɔ, nihi babauu ma bi mi ke, ‘Nyɔmtsɛ, Nyɔmtsɛ! Pi o biɛ mi nɛ wa fiɛ Mawu munyu ɔ ngɛ lo? Pi o biɛ mi nɛ wa hia mumi yayamihi ngɛ lo? Nɛ pi mo o biɛ mi nɛ wa pee nyakpɛ ní fuu ngɛ lo?’

Luka 10:12

I ngɛ nyɛ dee ke, kojomi ligbi ɔ, Mawu maa na Sodom mɔbɔ kulaa pe jamɛ a ma a!”

Luka 23:46

Kɛkɛ nɛ Yesu kpa ngmlaa wawɛɛ ke, “Tsaatsɛ, i tu ye mumi ɔ kɛ wo o dɛ mi!” Nɛ e de kikɛ ɔ, kɛkɛ nɛ e ma nya.

Yohane 17:15

I kpa we pɛɛ ke o je mɛ kɛ je je ɔ mi; se mohu i ngɛ pɛɛ kpae nɛ o bu a he kɛ je nɔ yayami ɔ dɛ mi.

Yohane 6:44

Nɔ ko nɔ ko be nyɛe maa ba ye ngɔ kaa ja Tsɛ ɔ nɛ tsɔ mi ɔ gbla lɛ kɛ ba ye ngɔ; nɛ nyagbe ligbi ɔ, ma tle lɛ si.

Ni Tsumi 13:46

Se Paulo kɛ Barnaba tu munyu kɛ kã ke, “Nyɛ kekle e sa kaa a jajeɔ Mawu munyu ɔ ngɔ tsɔɔ. Se akɛnɛ nyɛ kua munyu ɔ, nɛ nyɛ bui nyɛ he kaa nyɛ sa neneene wami ɔ he je ɔ, wa dɔ wa yi kɛ yaa ma je li ɔmɛ a ngɔ.

Ni Tsumi 13:50

Se Yuda bi ɔmɛ wo ma nimeli ɔmɛ, kɛ ma je li yihi Mawu jali nɛ ngɛ biɛ ɔ a yi mi, nɛ a te si kɛ wo Paulo kɛ Barnaba. A wa mɛ yi mi, nɛ a fie mɛ kɛ je a kpokpa amɛ a nɔ.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Ni Tsumi 7:59

Benɛ a ngɛ Stefano tɛ ɔ fiae ɔ, e sɔle, nɛ ke, “Nyɔmtsɛ Yesu, he ye mumi ɔ!”

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

1 Korintobi 3:13

Se ligbi ɔ nɛ Kristo maa ba a, nɔ tsuaa nɔ ní nɛ e tsu ɔ maa je kpo paa. Ejakaa jamɛ a ligbi ɔ, a kɛ la ma je nɔ tsuaa nɔ ní tsumi kpo. La a maa tsɔɔ bɔ nɛ nɔ tsuaa nɔ ní tsumi ngɛ ha.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

1 Tesalonikabi 5:4

Se nyɛmimɛ, nyɛɛ lɛɛ pi diblii mi nɛ nyɛ ngɛ nɛ ligbi ɔ ma ba ti nyɛ si kaa julɔ.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

2 Timoteo 1:14

Mumi Klɔuklɔu ɔ nɛ ngɛ wa mi ɔ, é wo mo he wami, konɛ ní kpakpahi nɛ a tu ngɔ wo o dɛ mi ɔ, o bu he.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

2 Timoteo 1:18

Nyɔmtsɛ ɔ nɛ na lɛ mɔbɔ jamɛ a ligbi ɔ. I heɔ yeɔ kaa bɔ nɛ e sɔmɔ mi saminya ngɛ Efeso ɔ, o hɛ ji nɔ.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 2:18

Jehanɛ lɛɛ, nihi tsuo nɛ ngɛ ka mi ɔ, e ma nyɛ maa wo mɛ he wami; ejakaa lɛ nitsɛ ɔ, a ka lɛ, nɛ e na amanehlu.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Petro 4:16

Se ke nyɛ ngɛ amanehlu nae kaa Kristo se nyɛɛli ɔ, zo ko pee nyɛ. Se mohu nyɛɛ wo Mawu hɛ mi nyami kaa a tsɛɛ nyɛ Kristo se nyɛɛli.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,