2 Tesalonikabi 3:2 - BAIBLO ALOO NGMAMI KLƆUKLƆU Ɔ

² Nyɛɛ sɔle, konɛ Mawu nɛ je wɔ kɛ je yiwutsotsɛmɛ, kɛ nimli yayamihi a dɛ mi; ejakaa pi nɔ tsuaa nɔ nɛ heɔ yeɔ.

Somi He Ɔ

² nyɛ kpa pɛɛ nɛ a je wɔ kɛ je yi mi wali kɛ nimli yayamihi a dɛ mi, ejakaa pi nimli tsuo nɛ ngɛ hemi kɛ yemi.

2 Tesalonikabi 3:2 ပူးပေါင်းရင်းမြစ်များ

Romabi 15:31

Nyɛɛ sɔle konɛ nihi nɛ ngɛ Yudea nɛ he we Mawu yi ɔ nɛ a ko doo ye nya, nɛ jehanɛ hu, ní nɛ i yaa tsu ngɛ Yerusalem ɔ nɛ sa ni klɔuklɔu ɔmɛ a hɛ mi.

Mose V, 32:20

E de ke, ‘Jehanɛ, i be a he piɛe hu; ma hyɛ nɔ́ nɛ maa ba a nɔ; nihi nɛ a tue mi ti, nɛ a yi a siwo nɔ.

Romabi 10:16

Se kɛ̃ ɔ, pi Israel bi ɔmɛ tsuo nɛ he sane kpakpa a. Ejakaa Yesaya de ke, “Nyɔmtsɛ, wa sane ɔ, mɛnɔ he ye?”

Ni Tsumi 28:24

A ti ni komɛ he ye, nɛ ni komɛ hu he we yi.

1 Tesalonikabi 2:18

Wa hla kaa waa kpale kɛ ba nyɛ ngɔ; ee, imi Paulo nitsɛ, i ka si abɔ kaa ma ba. Se Abosiami tsi wɔ blɔ.

Ni Tsumi 14:2

Se Yuda bi nɛ he we Yesu yi ɔ puɛ ma je li ɔmɛ a tue, nɛ a sú mɛ ngɔ wo nyɛmimɛ ɔmɛ nɛ he ye ɔ a he.

Ni Tsumi 13:50

Se Yuda bi ɔmɛ wo ma nimeli ɔmɛ, kɛ ma je li yihi Mawu jali nɛ ngɛ biɛ ɔ a yi mi, nɛ a te si kɛ wo Paulo kɛ Barnaba. A wa mɛ yi mi, nɛ a fie mɛ kɛ je a kpokpa amɛ a nɔ.

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

1 Korintobi 15:32

Ke je nɛ ɔ mi níhi a he lɛ i kɛ lohwe dikali ɔmɛ hwu ta ngɛ ngɛ Efeso ɔ, lɛɛ mɛni se i na mɔ? (Efeso bi a ngɛ dee ɔ nɛ). Se ke a be ni gbogboehi si tlee kɛ ba wami mi ekohu ɔ, lɛɛ kaa bɔ nɛ a pɔɔ demi ɔ, “Nyɛ ha waa ye ní nɛ wa nu ní, ejakaa hwɔɔ pɛ wa gbo.”

Ni Tsumi 17:5

Se Yuda bi ɔmɛ je nɔ́ nɛ ɔ he hunga, nɛ a ya ngɔ yakayaka nimli dikali komɛ ngɔ piɛ a he. Benɛ a nya ba bua fuu ɔ, a ha ma a mi tsuo pee hliihlii. A ya tua nyumu ko nɛ a tsɛɛ Yason e we ɔ kaa a maa ngɔ Paulo kɛ Sila ya ha ma a.

Ni Tsumi 25:27

E peeɔ mi kaa e dɛ kaa a ngɔɔ pã mi no ko kɛ maneɔ, nɛ a tsɔɔ we nɔ́ pɔtɛɛ nɛ e pee.”