2 Tesalonikabi 3:16 - BAIBLO ALOO NGMAMI KLƆUKLƆU Ɔ

¹⁶ Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

Somi He Ɔ

¹⁶ Lɛ he jɔmi Nyɔmtsɛ ɔ nitsɛ nɛ ha nyɛ he jɔmi daa ngɛ nɔ fɛɛ nɔ mi. Nyɔmtsɛ ɔ kɛ nyɛ kulaa nɛ hi si!

2 Tesalonikabi 3:16 ပူးပေါင်းရင်းမြစ်များ

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Romabi 15:33

He jɔmi Mawu ɔ kɛ nyɛ tsuo nɛ hi si. Amen!

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Manyadali 6:24

Gideon pee bɔ sami la tɛ ngɛ lejɛ ɔ kɛ ha Yawɛ, nɛ e wo lɛ biɛ ke, “Yawɛ ji he jɔmi.” Bɔ sami la tɛ nɛ ɔ maa si ngɛ Abiezer bi ɔmɛ a ma a mi ngɛ Ofra kɛ ba si mwɔnɛ ɔ.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

Filemon 1:25

Wa Nyɔmtsɛ Yesu Kristo dloomi ɔ kɛ nyɛ nɛ hi si!

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

Rut Womi 2:4

Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

Yesaya 66:12

Yawɛ ke, “Ma ha nyɛ ma ná ní kpɔtɔɔ. Je ma amɛ a juetli ma ba hyi nyɛ ma a mi tɔ kaa pa nɛ hyi ywia nga. Nyɛ maa pee kaa bimwɔyo nɛ e nyɛ hɛɛ lɛ dɔdɔɔdɔ ngɛ e tɛ nɔ; bɔɔ kɛkɛ e kɛ lɛ to e kasa nya ngɛ lɛ nyɔ hae, kɛkɛ ɔ, e ngɔ lɛ ngɔ fɔ e tɛ nɔ ekohu.

Yesaya 54:10

Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

La 72:7

Á ye dami sane saminya ngɛ e yi nɔ; e yi nɔ nɛ jɔ kulaa ngɛ he tsuaa he hluu kɛ yaa su be nɛ nyɔhiɔ be hu!

La 72:3

Zugba a nɛ ba ní saminya, nɛ á ye dami sane ngɛ he tsuaa he.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

2 Tesalonikabi 3:18

Wa Nyɔmtsɛ Yesu Kristo dloomi ɔ kɛ nyɛ kulaa nɛ hi si.

Hagai 2:9

Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Samuel I, 20:13

Se ke tsaatsɛ to kaa e maa pee mo yayami, nɛ i wo we o tue nɔ nɛ ma wo mo blɔ nɛ ó ya ngɛ he jɔmi mi ɔ, lɛɛ Yawɛ kɛ imi, Yonatan nɛ e ye sisiisi. Yawɛ kɛ mo nɛ e hi si kaa bɔ nɛ e kɛ tsaatsɛ hi si ɔ.

Efesobi 6:23

Nihi tsuo nɛ heɔ Kristo yeɔ ɔ, Tsɛ Mawu, kɛ wa Nyɔmtsɛ Yesu Kristo nɛ ha nɛ a hi si ngɛ he jɔmi mi; a suɔ a sibi, nɛ a pɛtɛ hemi kɛ yemi ɔ he.

1 Tesalonikabi 3:11

Wa Tsɛ Mawu ɔ nitsɛ, kɛ wa Nyɔmtsɛ Yesu nɛ a bli blɔ ha wɔ nɛ waa ba nyɛ ngɔ ekohu.