2 Tesalonikabi 2:9 - BAIBLO ALOO NGMAMI KLƆUKLƆU Ɔ

⁹ Dikalɔ ɔ maa ba kɛ Abosiami he wami, nɛ e ma ba pee lakpa nyakpɛ ní, kɛ okadi slɔɔtohi.

Somi He Ɔ

⁹ Dikalɔ ɔ maa be kɛ Satan ni tsumi nɛ mi wa ngɛ lakpa he wami kɛ okadihi kɛ nyakpɛ nihi tsuo mi,

2 Tesalonikabi 2:9 ပူးပေါင်းရင်းမြစ်များ

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

Yohane 4:48

Se Yesu de lɛ ke, “Blɔɔ ke nyɛ nɛ okadihi, kɛ nyakpɛ níhi ɔ, lɛɛ nyɛ be hee maa ye!”

Marko 13:22

Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 18:23

Kane be tsoe ngɛ ma a mi hu; nɛ a be ayɛflo huno, kɛ ayɛflo nya nue hu. O jua yeli ɔmɛ ji nimli nguahi ngɛ je ɔ mi tsuo, nɛ o ngɔ kunya yemi kɛ sisi nihi tsuo ngɛ je ɔ mi!”

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

2 Timoteo 3:8

Kaa bɔ nɛ Yane kɛ Yambre te si kɛ wo Mose ɔ, ja nɔuu nɛ kikɛmɛ a nimli nɛ ɔmɛ hu te si kɛ ngɛ anɔkuale ɔ nya tsie. Kikɛmɛ a nimli nɛ ɔmɛ nɛ a juɛmi mi kuɔ we ɔ, a hemi kɛ yemi hu gbo.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Yohane 8:41

Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.” A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Mose II, 8:18

Pwɔmi ɔmɛ ha nɔ tsuaa nɔ. Wɔnɔ ɔmɛ ka kaa mɛ hu a maa gu a ga blɔ ɔmɛ a nɔ kɛ ha pwɔmihi nɛ ba lo; se a nyɛ we.

Mose II, 8:7

Se Egipt wɔnɔ ɔmɛ hu gu a ga blɔ ɔmɛ a nɔ kɛ pee ja nɔuu, nɛ a ha ovɔnɔhi fuu ba Egipt zugba a nɔ.

Mose II, 7:22

Egipt kunya yeli ɔmɛ gu a ga blɔ ɔmɛ a nɔ nɛ a pee ja nɔuu. Se Farao ɔ lɛɛ e kplii e tsui kaa sa a. Nɛ kaa bɔ nɛ Yawɛ de ngɔ to ɔ, e bui mɛ tue fɛɛ.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

Kronika II, 18:20

Kɛkɛ ɔ, mumi ko je kpo ba da si ngɛ Yawɛ hɛ mi, nɛ e de ke, ‘Ma mlɔɔ lɛ.’ Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.

Luka 11:25

Ke e ba a, e ba naa kaa a bɛɛ we ɔ mi, nɛ a dla mi.