2 Tesalonikabi 2:7 - BAIBLO ALOO NGMAMI KLƆUKLƆU Ɔ

⁷ Yi wu tso ní nɛ a tsuɔ ngɛ laami mi ɔ, a je sisi momo. Se nɔ́ nɛ maa ba a be bae, ja a je nɔ nɛ ngɛ lɛ blɔ tsie ɔ ngɛ blɔ ɔ mi lolo.

Somi He Ɔ

⁷ Ejakaa mlaa kuami laami sane ɔ ngɛ ni tsue momo; se ja a je nɔ́ nɛ ngɛ nɔ ngɛ blɔ tsie ɔ kɛ je blɔ mi lolo.

2 Tesalonikabi 2:7 ပူးပေါင်းရင်းမြစ်များ

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

Ni Tsumi 20:29

I le kaa ke i je ɔ, nihi ma ba sɛ nyɛ kpɛti, nɛ a maa pee a ní kaa ogbetee ní hali; a be asafo ɔ yi bae.

1 Yohane 4:3

Se nɔ nɛ jajeɔ kaa nɔ́ nɛ a de ngɛ Yesu he nɛ ɔ be mi ɔ, e mumi ɔ ji Mawu ngɔ. Mumi nɛ ngɛ e mi ɔ je Kristo he nyɛlɔ ɔ ngɔ. Nyɛ nu kaa e ma, pi jã? Ee, amlɔ nɛ ɔ, e ná ba je ɔ mi momo.

Kpojemi 17:7

Bɔfo ɔ bi mi ke “Mɛni he je nɛ o nya kpɛ o he ɔ?” E ya nɔ nɛ e de mi ke, “Yo ɔ nɛ hii si ngɛ lohwe awi yelɔ ɔ nɛ ngɛ yi kpaago kɛ koli nyɔngma a nɔ ɔ, laami sane ɔ nɛ kɔɔ e he ɔ, ma je tsɔɔ mo.

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

2 Tesalonikabi 2:6

Se nyɛ le nɔ́ nɛ tsi e nya nɛ e ba je we e he kpo lolo ɔ? Ke be ɔ su ɔ, dikalɔ ɔ ma ba hia kpo kɛ̃.