2 Tesalonikabi 2:3 - BAIBLO ALOO NGMAMI KLƆUKLƆU Ɔ

³ Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

Somi He Ɔ

³ Nyɛ ko ha nɔ ko nɛ e sisi nyɛ ngɛ blɔ ko blɔ ko nɔ, ejakaa ja Mawu jami kuami ɔ ba lolo, nɛ a je dikalɔ nɛ ji hɛ mi kpatami bi ɔ kpo,

2 Tesalonikabi 2:3 ပူးပေါင်းရင်းမြစ်များ

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Daniel 8:25

E maa to ga kɛ sisi nihi babauu. E ma wo e he nɔ, nɛ e ma kpata nihi babauu a hɛ mi be mi nɛ a hɛ be a he nɔ. Ganɔhi a ganɔ ɔ nitsɛ po, e maa te si ngɔ wo lɛ. Se a ma kpata e hɛ mi; nɛ tsa pi nɔmlɔ adesa he wami nɛ ma tsu nɔ́ nɛ ɔ.

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

1 Yohane 4:3

Se nɔ nɛ jajeɔ kaa nɔ́ nɛ a de ngɛ Yesu he nɛ ɔ be mi ɔ, e mumi ɔ ji Mawu ngɔ. Mumi nɛ ngɛ e mi ɔ je Kristo he nyɛlɔ ɔ ngɔ. Nyɛ nu kaa e ma, pi jã? Ee, amlɔ nɛ ɔ, e ná ba je ɔ mi momo.

Kpojemi 17:11

Lohwe awi yelɔ ɔ nɛ ngɛ sa a, nɛ piɔ lɛɛ e be je mi hu ɔ, e maa pee matsɛ kpaanyɔne; e ye tsɛ momo kaa matsɛmɛ kpaago ɔmɛ a ti nɔ kake, nɛ a ma kpata e hɛ mi pɛsɛpɛsɛ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.