2 Tesalonikabi 2:1 - BAIBLO ALOO NGMAMI KLƆUKLƆU Ɔ

¹ Jehanɛ, nɔ́ nɛ kɔɔ wa Nyɔmtsɛ Yesu Kristo bami ɔ, kɛ bɔ nɛ a ma bua wa nya nɛ waa kɛ lɛ ya kpe ɔ he ji nɛ ɔ nɛ. Wa kpa nyɛ pɛɛ, nyɛmimɛ,

Somi He Ɔ

¹ Ngɛ wa Mawetsɛ Yesu Kristo bami ɔ kɛ wa nya nɛ a ma bua ngɛ e ngɔ ɔ he ɔ, wa kpa nyɛ pɛɛ, mamimɛ,

2 Tesalonikabi 2:1 ပူးပေါင်းရင်းမြစ်များ

Marko 13:27

E maa tsɔ hiɔwe bɔfo ɔmɛ kɛ ya bua nihi nɛ Mawu hla a a nya kɛ je je ɔ kɔ nya eywiɛ ɔmɛ tsuo, kɛ je zugba nyagbe he kɛ yaa si hiɔwe nyagbe he.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

1 Tesalonikabi 3:13

Nɛ e wo nyɛ he wami, nɛ nyɛɛ kɛ tsui nɛ he tsɔ nɛ ba nyɛ je mi bɔ nɛ piami ko be nyɛ he hie ngɛ wa Tsɛ Mawu ɔ hɛ mi be mi nɛ wa Nyɔmtsɛ Yesu kɛ e ni klɔuklɔu ɔmɛ tsuo maa ba a.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

Mateo 25:32

nɛ a ma bua je ma amɛ tsuo a nya ngɛ e hɛ mi. Kɛkɛ ɔ, e ma gba a mi kaa bɔ nɛ to hyɛlɔ gbaa jijɔ, kɛ apletsi mi ɔ.

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.