2 Tesalonikabi 1:4 - BAIBLO ALOO NGMAMI KLƆUKLƆU Ɔ

⁴ Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

Somi He Ɔ

⁴ lɔ ɔ he ɔ, wɔ nitsɛmɛ tete wa fiaa ngɔ fɔɔ nyɛ nɔ ngɛ Mawu asafo ɔmɛ a mi, ngɛ nyɛ tsui si tomi kɛ nyɛ hemi kɛ yemi nɛ nyɛ hɛɛ ngɛ nyɛ yi mi nɛ a waa kɛ nyɛ nɔ namihi nɛ nyɛ miaa nyɛ hɛ mi ngɛ mi ɔmɛ a he.

2 Tesalonikabi 1:4 ပူးပေါင်းရင်းမြစ်များ

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

1 Korintobi 7:17

Nike ní nɛ Nyɔmtsɛ Yesu ha nɔ ko loko Mawu ba tsɛ lɛ ɔ, é ya nɔ nɛ e tsu he ní kaa bɔ nɛ e peeɔ ɔ. Enɛ ɔ nɛ i tsɔɔ ngɛ asafo ɔmɛ tsuo a mi.

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

2 Korintobi 7:14

I je nyɛ yi ha Tito, nɛ nyɛ gbi mi zo. Wa tuɔ nyɛ anɔkuale daa. Jã kɛ̃ ɔ, fiami nɛ wa fĩa fɔ nyɛ nɔ ngɔ tsɔɔ Tito ɔ hu ya pee we lakpa.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

2 Korintobi 9:4

Se ke i kɛ nyɛmimɛ ɔmɛ nɛ je Makedonia a ekomɛ ba nyɛ ngɔ ɔ, i be suɔe nɛ a ba na kaa mamoo nyɛ dla we nyɛ he saasaa. Ke e ba mi jã a, waa kɛ nyɛ tsuo wa hɛ mi ma pue si kaa wa fĩa fɔ nyɛ nɔ kikɛ nɛ ɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Tesalonikabi 2:14

Nyɛmimɛ, nɔ́ nɛ pee nyɛ nɛ ɔ, lɔ ɔ nɔuu nɛ pee Mawu asafo ɔmɛ nɛ ngɛ Yudea a mi bi nɛ ngɔ a he ngɔ ha Kristo Yesu ɔ. Nyɛ na amanehlu ngɛ nyɛ nitsɛmɛ nyɛ ma mi bi a dɛ mi kaa bɔ nɛ mɛ hu a na amanehlu ngɛ Yuda bi a dɛ mi ɔ.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.

Yakobo 5:11

Niinɛ, nihi nɛ to a tsui si wawɛɛ ɔ, wa buu mɛ nihi nɛ a gbaa mɛ. Nyɛ nu bɔ nɛ Hiob to e tsui si, nɛ́ nyagbe ɔ, Nyɔmtsɛ ɔ ha e na ní babauu. Nyɔmtsɛ ɔ mi mi jɔ, nɛ e naa mɔbɔ.

2 Petro 1:6

Nyɛɛ ngɔ he nɔ yemi ngɔ piɛ nile ɔ he; nyɛɛ ngɔ hɛ si kami ngɔ piɛ he nɔ yemi ɔ he; nyɛɛ ngɔ Mawu gbeye yemi ngɔ piɛ hɛ si kami ɔ he;

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.