2 Tesalonikabi 1:11 - BAIBLO ALOO NGMAMI KLƆUKLƆU Ɔ

¹¹ Enɛ ɔ he je ɔ, daa nɛ ɔ, wa kpaa Mawu pɛɛ ha nyɛ, konɛ nyɛ je mi bami nɛ sa nɔ́ nɛ he nɛ e tsɛ nyɛ ngɛ ɔ. Kɛkɛ ɔ, e maa wo nyɛ hemi kɛ yemi mi he wami, nɛ ní kpakpahi nɛ nyɛ to kaa nyɛ maa pee ɔ, nyɛ maa pee.

Somi He Ɔ

¹¹ Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

2 Tesalonikabi 1:11 ပူးပေါင်းရင်းမြစ်များ

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

2 Tesalonikabi 1:5

Enɛ ɔ tsɔɔ paa kaa Mawu yeɔ dami sane; e ngɔ nɔ́ nɛ nyɛ ngɛ nae nɛ ɔ kɛ ngɛ nyɛ dlae kɛ ha e matsɛ yemi ɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

2 Tesalonikabi 2:14

Mawu tsɛ nyɛ kɛ gu sane kpakpa a nɛ wa fiɛ ha nyɛ ɔ nɔ, konɛ wa Nyɔmtsɛ Yesu hɛ mi nyami ɔ, nyɛ hu nyɛ na nyɛ blɔ fa mi nɔ́.

Efesobi 1:5

e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

La 138:8

Yawɛ, yi mi nɛ o to ha mi ɔ, o maa ye nɔ, ejakaa Yawɛ, o suɔmi ɔ ngɛ kɛ yaa neneene. Ní tsumi nɛ o je sisi ɔ, koo ngmɛɛ he.

La 51:18

Mawu, naa Zion mɔbɔ, nɛ o piɛ e he koo; nɛ o fia Yerusalem gbogbo ɔmɛ ekohu.

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Efesobi 1:16

i kpa we Mawu si nami ha nyɛ. Ke i ngɛ sɔlee ɔ, i kaiɔ nyɛ,

Efesobi 1:9

kɛ pee níhi tsuo nɛ e to kaa e maa pee ɔ. Laami nɔ́ ko nɛ e to e yi mi momo ke e maa pee kɛ gu Kristo nɔ ɔ, e je tsɔɔ wɔ.

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Marko 4:28

Zugba a nitsɛ lɛ haa ní ɔmɛ waa nɛ a woɔ yiblii, ba mumu ɔ kekle, kɛkɛ ɔ tso ɔ, nɛ lɔ ɔ se ɔ, ngma a nitsɛ ngɛ tso ɔ yi mi.

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Yesaya 66:9

Ke fɔmi su gbongu mi ɔ, anɛ ma ko ha a fɔ bi ɔ lo? Imi nɛ i haa a fɔɔ bi ɔ, anɛ ma nga muklii ɔ nya lo?” Yawɛ, o Mawu ɔ lɛ de.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

La 68:20

Wa Mawu ɔ, Mawu nɛ heɔ nɔ yi wami ji lɛ; Nyɔmtsɛ Yawɛ ɔ, lɛ nɛ e jeɔ nɔ kɛ jeɔ gbenɔ mi.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.