2 Petro 3:9 - BAIBLO ALOO NGMAMI KLƆUKLƆU Ɔ

⁹ Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Somi He Ɔ

⁹ Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

2 Petro 3:9 ပူးပေါင်းရင်းမြစ်များ

1 Timoteo 2:4

Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Kpojemi 2:21

I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

1 Timoteo 1:16

Se Mawu na mi mɔbɔ. E pee enɛ ɔ, konɛ Kristo Yesu nɛ ngɔ mi ngɔ pee nɔ hyɛmi nɔ́ kɛ ha yayami peeli tsuo, kaa e toɔ e tsui si, nɛ e peeɔ kpakpa, konɛ ni kpahi hu nɛ a na kaa neneene wami ɔ, mɛ hu a nine maa su nɔ.

Hebribi 10:37

Ejakaa Nyɔmtsɛ ɔ de ke, “E piɛ bɔɔ pɛ nɛ nɔ nɛ ma a ma ba su si; e be kɛe kulaa.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Mose II, 18:23

Ke o pee enɛ ɔ kaa bɔ nɛ Mawu fa mo ɔ, lɛɛ pɔ be mo tɔe, nɛ ni ɔmɛ tsuo maa kpale kɛ ho a wehi a mi ya kɛ tue mi jɔmi.”

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Mose II, 33:11

Yawɛ kɛ Mose maa tu munyu hɛ mi kɛ hɛ mi kaa bɔ nɛ nɔ kɛ e huɛ tuɔ munyu ɔ. Ke Mose kpale e se kɛ ba ma a sito he ɔ, e tsɔlɔ niheyo wayoo nɛ ji Nun binyumu Yoshua lɛɛ e ji kpe he bo tsu ɔ mi.

La 77:8

Anɛ e mɔbɔ nami ɔ se po jehanɛ lo? Anɛ e pa be e si womi ɔmɛ a nɔ yee hu lo?

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Daniel 4:29

Nyɔhiɔ nyɔngma kɛ enyɔ se benɛ e ngɛ si slaae ngɛ e mɔ ɔ yi mi ngɛ Babilon ɔ,

Romabi 13:11

Jehanɛ ɔ, nyɛ le be nɔ nɛ mi nɛ wa ngɛ nɛ ɔ, kaa e sa nɛ nyɛ hɛ nɛ tsɛ kɛ je mahe nɛ nyɛ ngɛ hwɔe ɔ mi. Ejakaa be ɔ nɛ Mawu ma he wa yi wami ɔ, amlɔ nɛ ɔ, e na wɔ haa pe kekleekle nɛ wa he ye ɔ.

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.