2 Petro 3:3 - BAIBLO ALOO NGMAMI KLƆUKLƆU Ɔ

³ Kekleekle ɔ, nyɛ na nɛ nyɛɛ le kaa nyagbe ligbi ɔmɛ a mi ɔ, nɔ he fɛu yeli komɛ maa ba, nɛ nɔ́ nɛ a we akɔnɔ de mɛ ke a pee ɔ, lɔ ɔ a maa pee.

Somi He Ɔ

³ Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

2 Petro 3:3 ပူးပေါင်းရင်းမြစ်များ

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Abɛ Womi 14:6

Nɔ buili hlaa kaa a maa le ní, se nile bɔɔ mɛ. Nihi nɛ nuɔ nɔ́ sisi ɔ, mɛɛ a leɔ ní mla.

Abɛ Womi 3:34

Yawɛ kɛ he nɔ woli bɔɛ; se nihi nɛ baa a he si lɛɛ e naa mɛ mɔbɔ.

Yesaya 28:14

Jehanɛ, nyɛ he nɔ woli nɛ nyɛ ngɛ ma nɛ ɔ nɔ yee ngɛ Yerusalem hiɛmɛ nɛ ɔ, nyɛɛ bu nɔ́ nɛ Yawɛ ngɛ dee ɔ tue.

Yesaya 29:20

Yiwutsotsɛmɛ, nihi nɛ bui Mawu, kɛ yayami peeli tsuo a hɛ mi ma kpata.

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Hosea 7:5

Ke matsɛ ɔ ngɛ e fɔmi ligbi yee ɔ, e kɛ e ma nimeli ɔmɛ nuɔ dã nɛ a deɔ, kɛkɛ a bɔni biɛmi.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

2 Timoteo 3:1

O hɛ nɛ hi nɔ kaa nyagbe ligbi ɔmɛ a mi ɔ, je mi maa wa.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

2 Petro 1:20

Se enɛ ɔ tsuo se ɔ, nyɛ na nɛ nyɛɛ le kaa nɔ ko nɔ ko be nyɛe maa ngɔ lɛ nitsɛ e juɛmi kɛ tsɔɔ gbami ko sisi ngɛ ngmami ɔ mi.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”