2 Petro 3:2 - BAIBLO ALOO NGMAMI KLƆUKLƆU Ɔ

² Nyɛ kai munyuhi nɛ gbali klɔuklɔu ɔmɛ tu blema lokoo ɔ, kɛ wa Nyɔmtsɛ kɛ wa kpɔlɔ ɔ mlaa nɛ bɔfo ɔmɛ nɛ a tsɔ mɛ nyɛ ngɔ ɔ kɛ ba ha nyɛ ɔ.

Somi He Ɔ

² I suɔ kaa nyɛ kai gbali klɔuklɔu ɔmɛ a munyuhi nɛ a tu sa a, kɛ Nyɔmtsɛ kɛ yi wami helɔ ɔ kita nɛ bɔfohi nɛ a tsɔ mɛ nyɛ ngɔ ɔ kɛ ha nyɛ ɔ.

2 Petro 3:2 ပူးပေါင်းရင်းမြစ်များ

Luka 1:70

E wo si blema lokoo kɛ gu e gbali klɔuklɔu ɔmɛ a nɔ

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Ni Tsumi 3:18

Se nɔ́ nɛ Mawu de to momo kɛ gu e gbali ɔmɛ tsuo a nɔ kaa Kristo maa na amanehlu ɔ, ha e ba mi ja niinɛ.

Ni Tsumi 3:21

E sa kaa e ya hi hiɔwe kɛ yaa su be nɛ a maa pee níhi tsuo ehe. Mawu tu nɔ́ nɛ ɔ he munyu kɛ gu e gbali klɔuklɔu ɔmɛ a nɔ blema lokoo.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Efesobi 3:5

Yi nɔhi nɛ be ɔ, adesa li laami sane nɛ ɔ. Se jehanɛ lɛɛ Mawu gu Mumi Klɔuklɔu nɔ je kpo kɛ tsɔɔ e bɔfo klɔuklɔu ɔmɛ, kɛ gbali ɔmɛ.

2 Petro 2:21

Afani nɔ́ nɛ a na we nɛ a le Kristo, pe nɛ a le lɛ, nɛ pee se ɔ, a je mlaa klɔuklɔu ɔ nɛ a ha mɛ ɔ he.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

2 Petro 3:16

E tuɔ enɛ ɔmɛ a he munyu ngɛ womihi tsuo nɛ e ngma a a mi. Ní komɛ nɛ e de ɔ, a sisi numi yee, nɛ nihi nɛ li nɔ́ ko nɔ́ ko, kɛ ni komɛ hu nɛ a yi mi peeɔ mɛ enyɔɔnyɔ ɔ, tsɔɔ sisi ngɛ blɔ kpa nɔ kaa bɔ nɛ a peeɔ ngmami kpa amɛ ɔ. Blɔ nɔ nɛ a guu kɛ kpataa mɛ nitsɛmɛ a hɛ mi ji nɛ ɔ nɛ.

1 Yohane 4:6

Se wɔɔ lɛɛ Mawu níhi ji wɔ. Nɔ tsuaa nɔ nɛ le Mawu ɔ, e buɔ wɔ tue; nihi nɛ kɛ Mawu be ɔ, mɛɛ a bui wɔ tue. Enɛ ɔ waa kɛ naa slɔɔto nɛ ngɛ anɔkuale mumi ɔ, kɛ lakpa mumi ɔ a kpɛti.

Yuda 1:17

Se nyɛ ye nyɛmimɛ nɛ i suɔ! Nyɛɛ lɛɛ nyɛ kai níhi nɛ wa Nyɔmtsɛ Yesu Kristo bɔfo ɔmɛ de to ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.