2 Petro 3:12 - BAIBLO ALOO NGMAMI KLƆUKLƆU Ɔ

¹² konɛ nyɛɛ hi Mawu ligbi ɔ blɔ hyɛe, nɛ nyɛɛ hi sɔlee nɛ e su mla. Jamɛ a ligbi ɔ, hiɔwe ma mle kɛ la, nɛ e maa sã, nɛ la a ma ha níhi nɛ ngɛ hiɔwe ɔ tsuo maa sile.

Somi He Ɔ

¹² Sa nɛ nyɛɛ pee nihi nɛ hyɛɛ Mawu ligbi ɔ bami ɔ blɔ, lɛ be ɔ mi nɛ hiɔwe ma mle kɛ la nɛ e maa sã, nɛ je mi sisije nihi hu maa sle ngɛ la mi.

2 Petro 3:12 ပူးပေါင်းရင်းမြစ်များ

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

Yesaya 34:4

Pu, nyɔhiɔ, kɛ dodoe ma puplee maa pee kaa bunyuku. Hiɔwe ma koklo kaa womi kpo; nɛ dodoehi maa hɔle kɛ pue si kaa bɔ nɛ wai, loo ngmɔkɔ tso hɔleɔ ba kɛ pueɔ si ɔ.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

Yuda 1:21

Be mi nɛ nyɛ ngɛ wa Nyɔmtsɛ Yesu Kristo blɔ hyɛe nɛ e ba na nyɛ mɔbɔ, nɛ e ha nyɛ neneene wami ɔ, nyɛɛ hyɛ nyɛ he nɔ saminya. Kɛkɛ ɔ, suɔmi nɛ Mawu ngɛ kɛ ha nyɛ ɔ maa hi si daa.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

Yesaya 24:19

Je ɔ mi ma gba; e maa ku, nɛ e maa gbɛ fĩa.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”

2 Petro 3:11

Akɛnɛ ní nɛ ɔmɛ tsuo pɛpɛɛpɛ a hɛ mi ma kpata kikɛ nɛ ɔ, lɛɛ kɛ e sa kaa nyɛɛ ba nyɛ je mi kɛɛ? E sa kaa nyɛɛ pee nyɛ he klɔuklɔu, nɛ nyɛɛ ngɔ nyɛ he ngɔ ha Mawu,