2 Petro 2:3 - BAIBLO ALOO NGMAMI KLƆUKLƆU Ɔ

³ Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Somi He Ɔ

³ Nɛ a kɛ kutupɔ munyuhi maa jua nyɛ ngɛ hɛ tsumi mi, nihi nɛ kɛ je blema lokoo ɔ, a kojomi hlua we si, nɛ a hɛ mi kpatami ɔ hu be mahɛ hwɔe.

2 Petro 2:3 ပူးပေါင်းရင်းမြစ်များ

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Mose V, 32:35

Yawɛ maa ye lue kokooko. E maa gbla he nyɛli ɔmɛ a tue. A maa sane nɔ si amlɔ nɔuu. E be kɛe kulaa nɛ e ma kpata a hɛ mi. A nyagbe ma tlukaa.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Yuda 1:15

E maa kojo nimli tsuo; nihi nɛ li Mawu ɔ, e maa gbla a tue bɔ nɛ sa ngɛ a ní yayami ɔmɛ, kɛ musu bɔmi munyuhi nɛ a tu kɛ si Mawu ɔ a he.”

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Yohane 2:16

Nihi nɛ ngɛ lahuɛhi juae ɔ, e de mɛ ke, “Nyɛ je ní nɛ ɔmɛ kɛ je hiɛ ɔ esɔ! Tsaatsɛ we ɔ, nyɛ ko ngɔ kɛ pee jua nɔ.”

Luka 22:47

Benɛ Yesu ngɛ munyu ɔ tue kɛ mwɔɔ ɔ, nihi babauu ba hia kpo ngɛ lejɛ ɔ. Ni nyɔngma kɛ enyɔ ɔmɛ a ti nɔ kake nɛ a tsɛɛ lɛ Yuda a nyɛɛ a hɛ mi kɛ ba. E hɛ lɛ kɛ ba Yesu ngɔ, konɛ e ba fiɔ e nya he.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Luka 18:8

Dɛbi, i ngɛ nyɛ dee ke, e maa ye a sane ɔ ha mɛ nɔuu. Se ke Nɔmlɔ Bi ɔ kpale kɛ ba a, anɛ e ma ba na nihi ngɛ je ɔ mi nɛ ngɛ hemi kɛ yemi lo?”

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yesaya 60:22

Wɛtso nyafii pe kulaa ma ba pee ma kpetekpleenyɛ. Ke be ɔ su ɔ, imi nitsɛ ma ha nɔ́ nɛ ɔ maa ba mi oya. Imi ji Yawɛ!”

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

La 81:15

Jinɛ ni nɛmɛ nɛ sume imi, Yawɛ ɔ, a kpla si ngɛ ye hɛ mi, nɛ a ngɛ a tue gblae kɛ yaa neneene.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

Mose V, 24:17

“Ko plɛ nubwɔ nɛ ba ngɛ o ma a mi, kɛ awusa a sane hɛ mi kɛ bu si; nɛ ko he yalɔyo he ha nɔ́ kaa awaba tomi nɔ́.

Hiob 6:27

Anɛ nyɛ ma nyɛ maa fɔ awusa bi nɔ sɔ lo? Anɛ nyɛ ma nyɛ maa wo nyɛ huɛ he jua lo?

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Mateo 23:14

Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ kpɔɔ yalɔyihi a wehi ngɛ a dɛ. Kɛkɛ ɔ, nyɛ ya peeɔ sɔlemi gagaaga! Enɛ ɔ he ɔ, nyɛ tue gblami ɔ maa pee gbeye.]