2 Petro 2:21 - BAIBLO ALOO NGMAMI KLƆUKLƆU Ɔ

²¹ Afani nɔ́ nɛ a na we nɛ a le Kristo, pe nɛ a le lɛ, nɛ pee se ɔ, a je mlaa klɔuklɔu ɔ nɛ a ha mɛ ɔ he.

Somi He Ɔ

²¹ Ejakaa afani nɛ a na we nɛ a le dami blɔ ɔ pe nɛ a le nɛ kɛ̃ ɔ, a kpale kɛ je kita klɔuklɔu nɛ a tu ngɔ wo a dɛ mi ɔ he.

2 Petro 2:21 ပူးပေါင်းရင်းမြစ်များ

Ezekiel 18:24

“Se ke nɔ nɛ peeɔ nɔ́ nɛ da jɔɔ kpakpa peemi, nɛ e bɔni ní hiemi níhi tsuo nɛ yayami peeli peeɔ peemi ɔ, anɛ e yi ma na wami lo? Dɛbi, kpakpa nɛ e pee sa a tsuo a be ekoeko kaie hu. E ma gbo ngɛ e tɔmi nɛ e tɔ, kɛ yayamihi nɛ e pee ɔ a he.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

Ezekiel 3:20

“Jehanɛ, ke nɔmlɔ kpakpa kpa níhi nɛ da peemi, nɛ e ba bɔni yayami peemi, nɛ i fɔ̃ e blɔ mi tso ɔ, e ma gbo. Akɛnɛ o bɔɛ lɛ kɔkɔ ɔ, e ma gbo ngɛ e yayami ɔ he. Ma bi e muɔ si ngɛ o dɛ; kpakpa nɛ e pee ɔ tsuo, i be kaie.

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Yohane 15:22

Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

1 Tesalonikabi 4:2

Ejakaa mlaa nɛ wa wo nyɛ ngɛ Nyɔmtsɛ Yesu biɛ mi ɔ, nyɛ le.

Yohane 9:41

Yesu de mɛ ke, “Kaa nyɛ hɛ yu mohu ɔ, jinɛ yayami be nyɛ he; se jehanɛ ɔ, nyɛ deɔ ke, ‘Wa ngɛ nɔ hyɛe,’ lɔ ɔ he ɔ, nyɛ he yayami ɔ ngɛ nyɛ he kɛ mwɔɔ.”

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Mateo 21:32

Ejakaa Yohane ba nyɛ ngɔ, nɛ e ba tsɔɔ nyɛ blɔ kpakpa nɛ nyɛɛ nyɛɛ nɔ, nɛ nyɛ he we lɛ yi; se tó tsuli ɔmɛ, kɛ ajuama amɛ he lɛ ye. Pee se benɛ nyɛ ná le ɔ hu, nyɛ pia we nyɛ he tete, konɛ nyɛ he lɛ nyɛɛ ye.”

Abɛ Womi 16:31

Yi mi mua ngɛ kaa jlasi nɛ woɔ nɔ hɛ mi nyami; nihi nɛ peeɔ nɔ́ nɛ da lɛ a naa lɔ ɔ.

Romabi 7:12

Lɔ ɔ he ɔ, mlaa a ngɛ klɔuklɔu, kita a hu ngɛ klɔuklɔu; e da, nɛ e hi hulɔ.

Ezekiel 23:13

I na kaa e puɛ kulaa; nyɛmimɛ yihi enyɔ nɛ ɔmɛ ɔ, slɔɔto ko be a kpɛti.

Abɛ Womi 12:28

Nɔ́ nɛ da peemi ji blɔ nɛ kɛ nɔ yaa wami mi. Nɔ nɛ nyɛɛɔ kikɛmɛ a blɔ nɛ ɔ nɔ ɔ, e be gboe.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 85:8

Nɔ́ nɛ Yawɛ Mawu ngɛ dee ɔ, i nu. E ngɛ wɔ, e ni klɔuklɔu ɔmɛ dee ke e ma ha wɔ tue mi jɔmi, se wa ko kpale ya je kuasia hu.

Ezekiel 33:13

Ke i de dalɔ ko ke bɔ tsuaa bɔ nɛ pee ɔ, e yi ma na wami, kɛkɛ nɛ e bɔni kpakpa nɛ e pee be ko ɔ he susumi kaa e hiɛ babauu, nɛ jehanɛ e bɔni yayami peemi ɔ, i be kpakpa nɛ e pee be ko ɔ kaie. Yayamihi nɛ e pee ɔ a he e ma gbo ngɛ.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

2 Petro 3:2

Nyɛ kai munyuhi nɛ gbali klɔuklɔu ɔmɛ tu blema lokoo ɔ, kɛ wa Nyɔmtsɛ kɛ wa kpɔlɔ ɔ mlaa nɛ bɔfo ɔmɛ nɛ a tsɔ mɛ nyɛ ngɔ ɔ kɛ ba ha nyɛ ɔ.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.