2 Petro 2:20 - BAIBLO ALOO NGMAMI KLƆUKLƆU Ɔ

²⁰ Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

Somi He Ɔ

²⁰ Ejakaa ke a gu Nyɔmtsɛ kɛ yi wami helɔ Yesu Kristo he ni lemi ɔ nɔ nɛ a kɛ tu je nɛ ɔ mi mu ni ɔmɛ a nya fo, nɛ lɔ ɔ ɔmɛ ami nɔuu a kpale du mɛ ngɛ, nɛ a ye a nɔ ekohu ɔ, a nyagbe si himi ɔ peɔ yayami pe kekle ɔ.

2 Petro 2:20 ပူးပေါင်းရင်းမြစ်များ

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

2 Petro 1:2

Dloomi kɛ he jɔmi nɛ hiɛ babauu ha nyɛ, konɛ nyɛɛ le Mawu, kɛ wa Nyɔmtsɛ Yesu Kristo saminya.

Mose IV, 24:20

Kɛkɛ nɛ Balaam na Amalek bi ɔmɛ ngɛ nina mi, nɛ gba gbi nɛ ɔ ba e nya, nɛ e de ke, “Sa a, Amalek ji ma nɛ a he wa pe je ma amɛ tsuo. Se nyagbenyagbe ɔ, a ma kpata a hɛ mi.”

Ezekiel 33:13

Ke i de dalɔ ko ke bɔ tsuaa bɔ nɛ pee ɔ, e yi ma na wami, kɛkɛ nɛ e bɔni kpakpa nɛ e pee be ko ɔ he susumi kaa e hiɛ babauu, nɛ jehanɛ e bɔni yayami peemi ɔ, i be kpakpa nɛ e pee be ko ɔ kaie. Yayamihi nɛ e pee ɔ a he e ma gbo ngɛ.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

2 Petro 1:8

Kikɛmɛ a su nɛ ɔmɛ a he hia nyɛ, nɛ ke nyɛ na mɛ bɔ nɛ sa a, nyɛ ma tsu ní nɛ maa wo yiblii saminya, nɛ nyɛ he maa ba se nami, akɛnɛ nyɛ le wa Nyɔmtsɛ Yesu Kristo ɔ.

2 Petro 1:11

Kɛkɛ ɔ, Mawu ma ha nyɛ blɔ nɛ nyɛ maa sɛ wa Nyɔmtsɛ, kɛ wa kpɔlɔ Yesu Kristo matsɛ yemi ɔ mi.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Mose III, 13:20

Ke osɔfo ɔ hyɛ, nɛ e na kaa lejɛ ɔ nɔ lo mi, nɛ bwɔmi nɛ ngɛ lejɛ ɔ pee futaa a, e ha nɛ e le kaa e he tsɔ we; he womi nɔ hiɔ yaya nɛ́ je kpo ngɛ tslɔɔ mi nɔ ɔ ngɛ nue ɔ nɛ.

Mose III, 13:55

Osɔfo ɔ nɛ hyɛ nɔ́ ɔ; ke nɔ́ fu ja a su tsakee we, nɛ e hɛ́ si hulɔ ɔ, nɔ́ ɔ he tsɔ we; nyɛɛ sã. Nɔ́ ɔ hɛ mi nɛ fu ja a jio, e se mi jio, á sã.

Mose III, 14:43

Se ke a tsake tɛ ɔmɛ, nɛ a ngmla gli ɔ he, nɛ a kpale kã gli ɔmɛ a he, nɛ lɔ ɔ se a na kaa lejɛ ɔ fu ja ekohu ɔ,