2 Petro 2:17 - BAIBLO ALOO NGMAMI KLƆUKLƆU Ɔ

¹⁷ Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.

Somi He Ɔ

¹⁷ Nimli nɛ ɔmɛ ngɛ kaa nyu vuhi nɛ nyu be a mi, bɔkuhi nɛ kɔɔhiɔ fiaa kɛ yaa, nihi nɛ a kɛ diblii tsitsliitsli ɔ to ha mɛ kɛ yaa neneene ɔ.

2 Petro 2:17 ပူးပေါင်းရင်းမြစ်များ

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Mateo 25:30

Kikɛmɛ a tsɔlɔ nɛ he be se nami nɛ ɔ, nyɛ sake lɛ ngɔ wo diblii ɔ mi lokoo. Lejɛ ɔ nɛ e maa wo ya, nɛ e ma kpe e lungu nya ngɛ.’

Mateo 22:13

Kɛkɛ nɛ matsɛ ɔ de e tsɔli ɔmɛ ke, ‘Nyɛɛ fi e nine, kɛ e nane ngɔ bla, nɛ nyɛ ya sake lɛ ngɔ fɔ tsu ɔ se ngɛ diblii ɔ mi tsitsaa. Lejɛ ɔ nɛ e maa wo ya, nɛ e ma kpe e lungu nya ngɛ.’ ”

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Hebribi 12:18

Pi Sinai yo ɔ nɛ a be nyɛe maa ta he ɔ he nɛ nyɛ ba. Be ko benɛ Israel bi ɔmɛ ya lejɛ ɔ, diblii, kɛ bɔku wo kpii, kɔɔhiɔ hia huu, nɛ la ngɛ tsoe plamplam ngɛ yo ɔ nɔ.