2 Petro 1:6 - BAIBLO ALOO NGMAMI KLƆUKLƆU Ɔ

⁶ Nyɛɛ ngɔ he nɔ yemi ngɔ piɛ nile ɔ he; nyɛɛ ngɔ hɛ si kami ngɔ piɛ he nɔ yemi ɔ he; nyɛɛ ngɔ Mawu gbeye yemi ngɔ piɛ hɛ si kami ɔ he;

Somi He Ɔ

⁶ nɛ ni lemi ɔ mi hu ɔ, hɛ si kami; nɛ hɛ si kami ɔ mi ɔ, tsui si tomi; nɛ tsui si tomi ɔ mi ɔ mawu jami;

2 Petro 1:6 ပူးပေါင်းရင်းမြစ်များ

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

1 Korintobi 9:25

Nihi nɛ kaa a kpɔhi a mi ɔ, a hɛ mi kaa si be tsuaa be, bɔ nɛ pee nɛ a ná jlasi nɛ puɛɔ. Se wɔɔ lɛɛ wa peeɔ jã, konɛ wa nine nɛ su jlasi nɛ puɛ we gblegbleegble ɔ nɔ.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Galatabi 5:23

he si bami, kɛ he nɔ yemi. Enɛ ɔmɛ ɔ, mlaa ko mlaa ko tsi nya.

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Tito 1:8

Asafo nya dalɔ ɔ, e pee nɔ nɛ peeɔ nibwɔ, nɛ e suɔ nɔ́ nɛ hi, nɔ nɛ juɛmi ka si, nɛ e peeɔ nɔ́ nɛ da; nɔ nɛ ngɔ e he ngɔ ha Mawu kulaa, nɛ e yeɔ e he nɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

2 Korintobi 6:4

Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

2 Petro 3:11

Akɛnɛ ní nɛ ɔmɛ tsuo pɛpɛɛpɛ a hɛ mi ma kpata kikɛ nɛ ɔ, lɛɛ kɛ e sa kaa nyɛɛ ba nyɛ je mi kɛɛ? E sa kaa nyɛɛ pee nyɛ he klɔuklɔu, nɛ nyɛɛ ngɔ nyɛ he ngɔ ha Mawu,

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Tito 1:1

Imi Paulo, Mawu tsɔlɔ, kɛ Yesu Kristo bɔfo ɔ lɛ i ngma womi nɛ ɔ. Mawu hla mi, nɛ e tsɔ mi, konɛ ma ya wo nihi nɛ Mawu hla mɛ ɔ a hemi kɛ yemi mi he wami, nɛ ma tsɔɔ mɛ anɔkuale ɔ nɛ ngɛ Mawu jami mi.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

1 Timoteo 6:6

Se niinɛ, ní nami agbo ji Mawu jami, ke nɔ ko bua jɔ e níhi a he ɔ.

1 Timoteo 6:3

Ni komɛ ngɛ tsɔɔmi kpa komɛ tsɔɔe nɛ pi wa Nyɔmtsɛ Yesu Kristo sane kpakpa a nitsɛ, loo Mawu jami tsɔɔmi tutuutu.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Timoteo 2:10

Se mohu a tsu ní tsumi kpakpa nɛ sa yihi nɛ ngɔ a he kɛ ha Mawu kulaa a.

1 Timoteo 2:2

Nyɛɛ sɔle ha matsɛmɛ, kɛ nihi tsuo nɛ hɛɛ blɔ nya, konɛ wɔ nɛ wa ji Kristo we bi ɔ, waa pee wa he kpoo, nɛ waa hi si ngɛ tue mi jɔmi mi. Waa ye Mawu gbeye saminya, nɛ waa ba wa je mi bɔ nɛ sa.

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

2 Tesalonikabi 1:4

Wɔ nitsɛmɛ wa fĩaa fɔɔ nyɛ nɔ ngɛ Mawu asafo ɔmɛ a mi kaa nyɛ ngɛ hemi kɛ yemi nɛ mi wa. Ejakaa be mi nɛ a ngɛ nyɛ yi mi wae, nɛ nyɛ ngɛ nɔ́ nae ɔ, nyɛ to nyɛ tsui si, nɛ nyɛ mia nyɛ hɛ mi kɛ ngɛ ní nɛ ɔmɛ tsuo a mi gblee.

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Mose I, 5:24

Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.