2 Petro 1:3 - BAIBLO ALOO NGMAMI KLƆUKLƆU Ɔ

³ Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

Somi He Ɔ

³ E mawu he wami ɔ ngɔ nihi kulaa nɛ hi ha wami kɛ Mawu jami ngɔ ke wɔ ngɛ nɔ nɛ gu lɛ nitsɛ e hɛ mi nyami kɛ e himi nɔ kɛ tsɛ wɔ ɔ mi.

2 Petro 1:3 ပူးပေါင်းရင်းမြစ်များ

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Abɛ Womi 12:4

Yo kpakpa ngɛ kaa jlasi ngɛ e huno yi mi. Yo nɛ pueɔ e huno hɛ mi si lɛɛ e ngɛ kaa hiɔ ngɛ e huno wuhi a mi.

Abɛ Womi 31:10

Yo kpakpa a, mɛnɔ ma na? E he jua wa kulaa pe june!

Abɛ Womi 31:29

“Yihi babauu ngɛ nɛ bɔɔ mɔde mohu, se moo lɛɛ, o pe mɛ tsuo!”

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Romabi 9:24

Wɔ hu ja e tsɛ wɔ, konɛ waa na kaa pi Yuda bi kɛkɛ nɛ e tsɛ, se e tsɛ ma je li ɔmɛ hulɔ.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

2 Korintobi 12:9

Se e he nɔ ke, “Dloomi nɛ i kɛ ha mo ɔ, lɔ ɔ kɛkɛ hiɛ ha mo; ejakaa ye he wami ɔ tsuɔ ní wawɛɛ ngɛ nihi nɛ gbɔjɔ ɔ a mi.” I suɔ saminya nɛ ma fĩa kaa i gbɔjɔ, konɛ ma na kaa Kristo he wami ɔ ngɛ ye he bue.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 4:4

Nɔmlɔ tso kake kɛ mumi kake lɛ ngɛ. Jã nɔuu kɛ̃ nɔ́ kake too nɔ nyɛ ngɔ nyɛ hɛ ngɔ fɔ, nɛ lɔ ɔ he Mawu tsɛ nyɛ ngɛ ɔ nɛ.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Kolosebi 1:16

Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

2 Tesalonikabi 2:14

Mawu tsɛ nyɛ kɛ gu sane kpakpa a nɛ wa fiɛ ha nyɛ ɔ nɔ, konɛ wa Nyɔmtsɛ Yesu hɛ mi nyami ɔ, nyɛ hu nyɛ na nyɛ blɔ fa mi nɔ́.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

1 Petro 1:15

Se mohu ɔ, nyɛ ha nɛ nyɛ je mi bami he nɛ tsɔ kaa bɔ nɛ nɔ nɛ tsɛ nyɛ ɔ ngɛ klɔuklɔu ɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

2 Petro 1:10

Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

2 Petro 1:2

Dloomi kɛ he jɔmi nɛ hiɛ babauu ha nyɛ, konɛ nyɛɛ le Mawu, kɛ wa Nyɔmtsɛ Yesu Kristo saminya.

2 Petro 1:5

Enɛ ɔ tutuutu he je ɔ, nyɛɛ bɔ mɔde wawɛɛ nɛ nyɛɛ ngɔ kpakpa peemi ngɔ piɛ nyɛ hemi kɛ yemi ɔ he; nyɛɛ ngɔ nile ngɔ piɛ kpakpa peemi ɔ he.

2 Petro 1:6

Nyɛɛ ngɔ he nɔ yemi ngɔ piɛ nile ɔ he; nyɛɛ ngɔ hɛ si kami ngɔ piɛ he nɔ yemi ɔ he; nyɛɛ ngɔ Mawu gbeye yemi ngɔ piɛ hɛ si kami ɔ he;

2 Petro 1:8

Kikɛmɛ a su nɛ ɔmɛ a he hia nyɛ, nɛ ke nyɛ na mɛ bɔ nɛ sa a, nyɛ ma tsu ní nɛ maa wo yiblii saminya, nɛ nyɛ he maa ba se nami, akɛnɛ nyɛ le wa Nyɔmtsɛ Yesu Kristo ɔ.

2 Petro 2:20

Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Rut Womi 3:11

Lɔ ɔ he ɔ, ye bi, mo ko ye gbeye! Nɔ́ tsuaa nɔ́ nɛ o de ɔ, ma pee ha mo; ejakaa ye ma mi bi ɔmɛ tsuo le kaa yo kpakpa ji mo.