2 Petro 1:21 - BAIBLO ALOO NGMAMI KLƆUKLƆU Ɔ

²¹ Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

Somi He Ɔ

²¹ Ejakaa gbami ko bɛ́ ngɛ nɔmlɔ suɔmi nya hyɛ, se mohu Mumi Klɔuklɔu ɔ lɛ kpleɔ Mawu nimli klɔuklɔu ɔmɛ a nɔ nɛ a tuɔ munyu.

2 Petro 1:21 ပူးပေါင်းရင်းမြစ်များ

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

Luka 1:70

E wo si blema lokoo kɛ gu e gbali klɔuklɔu ɔmɛ a nɔ

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Hebribi 10:15

Mumi Klɔuklɔu ɔ hu yeɔ enɛ ɔ he odase. Kekleekle ɔ, e de ke,

Ni Tsumi 3:18

Se nɔ́ nɛ Mawu de to momo kɛ gu e gbali ɔmɛ tsuo a nɔ kaa Kristo maa na amanehlu ɔ, ha e ba mi ja niinɛ.

Marko 12:36

Ejakaa Mumi Klɔuklɔu ha David nitsɛ de ke, ‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Hebribi 3:7

Lɔ ɔ he ɔ, kaa bɔ nɛ Mumi Klɔuklɔu ɔ deɔ ɔ, “Mwɔnɛ ɔ, ke nyɛ nu e gbi ɔ,

Mose IV, 16:28

Mose de ke, “Nɔ́ nɛ nyɛɛ kɛ maa le kaa Yawɛ nitsɛ lɛ tsɔ mi ke ma ba tsu ní nɛ ɔmɛ, se pi imi nitsɛ ye yi mi tomi nya ji

Ni Tsumi 28:25

Se nɔ́ kake too nɛ Paulo de, nɛ lɔ ɔ kɛ nya sami wawɛɛ ba ni ɔmɛ a kpɛti, nɛ́ kpe ɔ kɛ gbɛ ji, “Nɔ́ nɛ Mumi Klɔuklɔu ɔ de nyɛ nɛmɛ ɔmɛ kɛ gu gbalɔ Yesaya nɔ ɔ ngɛ mi jã niinɛ!

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Hebribi 9:8

Nɔ́ nɛ Mumi Klɔuklɔu ɔ ngɛ tsɔɔe ngɛ blɔ nya tomi nɛ ɔmɛ a mi ji kaa be abɔ nɛ kekleekle bo tsu ɔ maa si kɛ mwɔɔ ɔ, lɛɛ a na we nɛ a bli blɔ nɛ a guu kɛ yaa he klɔuklɔu pe kulaa a lolo.

Matsɛmɛ I, 13:1

Ligbi ko ɔ, Yawɛ tsɔ gbalɔ ko kɛ je Yuda kɛ ho Betel ya. Benɛ e ya su lejɛ ɔ, Yeroboam daa si ngɛ bɔ sami la tɛ ɔ he nɛ e yaa sã tsopa kɛ e he via.

Yoshua 14:6

Ligbi ko ɔ, Yuda wɛtso ɔ mi ni komɛ ba Yoshua ngɔ ngɛ Gilgal. A ti nɔ kake ji Yefune nɛ je Keniz ɔ binyumu Kaleb. E ba bɔ Yoshua amaniɛ ke, “Mo nitsɛ o le munyu nɛ Yawɛ kɛ Mawu nɔmlɔ Mose tu nɛ kɔɔ i kɛ mo wa he ngɛ Kadesh Barnea.

Mika 3:7

Zo maa gbe gbali ɔmɛ kɛ klaali ɔmɛ; mɛ tsuo pɛpɛɛpɛ a ma ma a nya. Ke a gba a, e be mi bae fɛɛ, ejakaa a be sɛ gbi ko nae kɛ je Mawu ngɔ hu.

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Matsɛmɛ II, 6:15

Makɛ mla a, Mawu nɔmlɔ Elisha tsɔlɔ ɔ te si momo. Benɛ e je kpo ɔ, e na kaa ta buli, okpɔngɔhi, kɛ ta zugba lɛhi bɔle ma a kɛ kpe. Kɛkɛ nɛ e de ke, “Akuanyɛ! Ye nyɔmtsɛ, kɛ wa maa pee kɛɛ?”

Matsɛmɛ II, 6:10

Lɔ ɔ he ɔ, Israel matsɛ ɔ hu tsɔ ya de ni ɔmɛ ngɛ lejɛ ɔ ke a hɛ nɛ hi a he nɔ. Nɔ́ nɛ ɔ ya nɔ si abɔ.

Matsɛmɛ I, 17:24

Yo ɔ he nɔ ke, “Kpaako loko i na kaa Mawu nɔmlɔ ji mo, nɛ Yawɛ tuɔ munyu kɛ guɔ o nɔ niinɛ!”

Kronika I, 23:14

Mawu nɔmlɔ Mose binyumu ɔmɛ lɛɛ a bu mɛ ngɔ piɛ Levi bi ɔmɛ a he.

Matsɛmɛ II, 4:22

Kɛkɛ nɛ e tsɔ ya de e huno ɔ ke, “Ha nɛ tsɔli ɔmɛ a ti nɔ kake nɛ ngɔ teji yo kake kɛ ba ha mi nɛ ma sa fo kɛ ya Mawu nɔmlɔ ɔ ngɔ nɛ ma ba.”

Matsɛmɛ II, 4:9

Yo ɔ de e huno ke, “Jehanɛ i yɔse kaa nyumu ɔ nɛ pɔɔ wa ngɔ hiɛmɛ nɛ ɔ gumi ɔ, Mawu nɔmlɔ klɔuklɔu ji lɛ.

Mose V, 33:1

Gbaami munyuhi nɛ Mawu nɔmlɔ, Mose kɛ gbaa Israel bi ɔmɛ loko e gbo ji nɛ ɔmɛ nɛ.

Matsɛmɛ II, 4:7

Yo ɔ ho nɛ e ya bɔ Mawu nɔmlɔ ɔ amaniɛ. Nɛ gbalɔ ɔ de lɛ ke, “Yaa nɛ o ya jua nu ɔ nɛ o kɛ wo o he hiɔ ɔmɛ. Nɔ́ nɛ maa piɛ ngɛ se ɔ, o kɛ o bimɛ ɔmɛ nyɛɛ ngɔ nɛ nyɛ kɛ hyɛ nyɛ he nɔ.”

Yeremia 23:26

Mɛni be gbali nɛ ɔmɛ maa ye lakpa kɛ yaa si? A deɔ níhi nɛ be mi nɛ a kɛ sisiɔ ye ma a.

Ezekiel 1:3

Yawɛ tu munyu, nɛ i nu. Yawɛ he wami ba ye nɔ ngɛ Kebar pa a nya ngɛ Babilonia.

Mika 1:1

Yuda matsɛmɛ, Yotam, Ahaz, kɛ Hezekia a yi nɔ ɔ, Yawɛ kɛ sɛ gbi nɛ ɔ ha Mika nɛ je Moreshet ɔ. Yawɛ je ní nɛ ɔmɛ nɛ kɔɔ Samaria kɛ Yerusalem ma amɛ a he ɔ ngɔ tsɔɔ Mika.