2 Petro 1:19 - BAIBLO ALOO NGMAMI KLƆUKLƆU Ɔ

¹⁹ Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Somi He Ɔ

¹⁹ Nɛ lɔ ɔ he ɔ, wa na gbali ɔmɛ a munyu ɔmɛ a nɔ mi mami. E maa hi ha nyɛ ke nyɛ bu tue, ejakaa e ngɛ kaa la ko nɛ ngɛ tsoe ngɛ he ko nɛ wo diblii, kɛ maa su be nɛ je maa na nɛ nɔkɔ ɔ maa te si ngɛ nyɛ tsui mi.

2 Petro 1:19 ပူးပေါင်းရင်းမြစ်များ

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

La 119:105

O munyu ɔ ji kane nɛ i kɛ hyɛɔ ye nane nya; o munyu ɔ ji la nɛ haa ye blɔ mi tɛ̃ɔ.

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

1 Yohane 5:10

Lɔ ɔ he ɔ, nɔ tsuaa nɔ nɛ heɔ Mawu Bi ɔ yeɔ ɔ ngɔɔ odase nɛ ɔ kɛ toɔ lɛ nitsɛ e tsui mi, nɛ e hii he susue. Se nɔ nɛ he we Mawu yi ɔ ha nɛ Mawu plɛ lakpatsɛ; ejakaa nɔ́ nɛ Mawu de ngɛ e Bi ɔ he ɔ, nɔ ɔ he we yi.

1 Petro 1:10

Gbali ɔmɛ nɛ gba, nɛ a de ke dloomi ko ngɛ ha nyɛ hwɔɔ se ɔ, hla kikɛmɛ a yi wami hemi sane ɔ mi fitsofitso.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

3 Yohane 1:6

A ba ye suɔmi nɛ o ngɛ kɛ ha mɛ ɔ he odase ha asafo ɔ ngɛ hiɛ ɔ. I kpa mo pɛɛ nɛ o wo mɛ blɔ saminya bɔ nɛ maa sa Mawu hɛ mi nɛ a kɛ tsa a blɔ hiami ɔ nɔ.

Yesaya 41:26

Nyɛ ti mɛnɔ gba enɛ ɔ kɛ to momo ke bɔ nɛ e maa ba ji nɛ ɔ, konɛ wa de ke, ‘Ja tutuutu o gba a nɛ.’ Nyɛ ti nɔ ko nɔ ko de we nɔ́ nɛ ɔ he nɔ́ ko. Nɔ ko nɔ ko wui nɔ ta, nɛ nɔ ko nɔ ko nui hulɔ.

Yesaya 14:12

“Babilonia matsɛ, mo nɛ́ o ngɛ kaa nɔkɔ nɛ kpɛɔ hleii makɛ ɔ, o je hiɔwe ba nɔ si bum! Be ko nɛ be ɔ, o ye mahi a nɔ kunimi, se jehanɛ lɛɛ a tsɛ̃ mo ko si.

Hebribi 2:2

Sɛ gbi nɛ Mawu bɔfo ɔmɛ kɛ ba a ngɛ mi sisiisi; nɛ nɔ tsuaa nɔ nɛ gbo tue, loo e bui ɔ, a gbla e tue bɔ nɛ sa lɛ.