2 Petro 1:14 - BAIBLO ALOO NGMAMI KLƆUKLƆU Ɔ

¹⁴ I le kaa e be kɛe kulaa nɛ ma gbo kaa bɔ nɛ wa Nyɔmtsɛ Yesu Kristo je tsɔɔ mi ɔ.

Somi He Ɔ

¹⁴ ejakaa i le ka aye bo tsu nɛ ɔ kpami maa pee oya, kaa bɔ nɛ wa Nyɔmtsɛ Yesu Kristo hu je kpo ngɔ tsɔɔ mi ɔ.

2 Petro 1:14 ပူးပေါင်းရင်းမြစ်များ

2 Timoteo 4:6

Imi lɛɛ a miɔ nɛ a ngɔ mi kɛ sã bɔ. Ee, be ɔ nɛ ma je je ɔ mi ɔ su.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Yoshua 23:14

“Jehanɛ, ye gbenɔ be su. Nyɛ ti nɔ tsuaa nɔ le ngɛ e tsui mi, kɛ e klaa mi kaa Yawɛ, nyɛ Mawu ɔ ha nyɛ ní kpakpa amɛ tsuo nɛ e wo si ke e ma ha nyɛ ɔ. E ye e si womi ɔmɛ tsuo kulaa nɔ; e si we eko.

Yesaya 38:12

A po ye wami nɔ kpiti kulaa; ye wami ɔ nya ta. E pee kaa to hyɛlɔ bo tsu nɛ a kpa ngɔ fɔ si, loo kaa bo nɛ bo lolɔ po nɔ ngɛ e bo lomi tso ɔ he. I susu kaa Mawu ha ye wami nyagbe ma amlɔ nɔuu.

Yohane 13:36

Simon Petro bi lɛ ke, “Nyɔmtsɛ, jije po o yaa?” Yesu he nɔ ke, “He nɛ i yaa a, amlɔ nɛ ɔ lɛɛ o be ye se nyɛe maa nyɛɛ; se pee se ɔ, o ma ba nyɛɛ ye se.”

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.