2 Petro 1:12 - BAIBLO ALOO NGMAMI KLƆUKLƆU Ɔ

¹² E ngɛ mi kaa nyɛ le kikɛmɛ a ní nɛ ɔmɛ momo, nɛ anɔkuale ɔ hu nyɛ pɛtɛ he lɛɛ, se kɛ̃ i to kaa ma ya nɔ ma hi nyɛ kaie ngɛ ní nɛ ɔmɛ a he.

Somi He Ɔ

¹² Lɔ ɔ he ɔ, ma kai nyɛ daa nɛ ngɛ kikɛmɛ a ni nɛ ɔmɛ a he, pohu nyɛ le momo nɛ nyɛ nane pi si ngɛ anɔkuale nɛ ngɛ ɔ mi.

2 Petro 1:12 ပူးပေါင်းရင်းမြစ်များ

1 Yohane 2:21

Pi kaa anɔkuale ɔ nɛ nyɛ li nɛ i ngɛ nyɛ womi nɛ ɔ ngmae. Dɛbi! Akɛnɛ nyɛ le anɔkuale ɔ, lɔ ɔ he mohu nɛ i ngɛ nyɛ womi ɔ ngmae ɔ nɛ; nɛ nyɛ le hu kaa anɔkuale ɔ, lakpa be mi.

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Kolosebi 2:7

Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

2 Yohane 1:2

Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.

Yuda 1:17

Se nyɛ ye nyɛmimɛ nɛ i suɔ! Nyɛɛ lɛɛ nyɛ kai níhi nɛ wa Nyɔmtsɛ Yesu Kristo bɔfo ɔmɛ de to ɔ.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.

2 Petro 3:1

Nyɛmimɛ nɛ i suɔ, enɛ ɔ ji womi enyɔne nɛ i ngɛ nyɛ ngmae. I bɔ mɔde ngɛ womi nɛ ɔmɛ tsuo a mi kaa ma tsɛ nyɛ juɛmi se kɛ ba níhi nɛ nyɛ le momo ɔ a he.

2 Petro 1:15

Se ma bɔ mɔde ma to blɔ nya ha nyɛ, konɛ ye gbenɔ se ɔ, nyɛ hɛ nɛ hi ní nɛ ɔmɛ a nɔ be tsuaa be.

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Hebribi 10:32

Nyɛ kai bɔ nɛ nyɛ hi si sa a. Benɛ nyɛ ba le Mawu ɔ, nyɛɛ kɛ hɛ mi miami na amanehlu babauu.

2 Timoteo 1:6

Enɛ ɔ he je ɔ, i ngɛ mo kaie kaa Mawu nike ní nɛ e kɛ dloo mo benɛ i ngɔ ye nine kɛ pue o nɔ ɔ, o tsu he ní saminya.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

Ni Tsumi 16:5

Enɛ ɔ ha asafo ɔmɛ a hemi kɛ yemi mi ba wa, nɛ daa nɛ ɔ, nihi babauu ba piɛɔ a he.

Kolosebi 1:5

Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.