2 Petro 1:11 - BAIBLO ALOO NGMAMI KLƆUKLƆU Ɔ

¹¹ Kɛkɛ ɔ, Mawu ma ha nyɛ blɔ nɛ nyɛ maa sɛ wa Nyɔmtsɛ, kɛ wa kpɔlɔ Yesu Kristo matsɛ yemi ɔ mi.

Somi He Ɔ

¹¹ Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

2 Petro 1:11 ပူးပေါင်းရင်းမြစ်များ

La 145:13

O matsɛ yemi ɔ ngɛ daa, nɛ o nɔ yemi ɔ ngɛ kɛ yaa neneene. Yawɛ yeɔ e siwo nɔ pɛpɛɛpɛ, nɛ nɔ́ tsuaa nɔ́ nɛ e peeɔ ɔ hi saminya.

La 36:8

O lɛɔ wɔ kɛ o we ɔ ní kpakpahi. O haa wɔ nyu kɛ jeɔ o pa nɛ ngɛ akɔnɔ ɔ mi lɛ wa nuɔ.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

1 Korintobi 15:24

Lɔ ɔ se ɔ, je mi nyagbe maa ba. Kristo maa ye mumi mi nɔ yeli, kɛ blɔ nyahi, kɛ he wami tsuo a nɔ, nɛ e maa ngɔ matsɛ yemi ɔ ngɔ ha Mawu nɛ ji Tsɛ ɔ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Hebribi 6:17

Lɔ ɔ he ɔ, bɔ nɛ pee nɛ nihi nɛ Mawu wo mɛ si ɔ, a yi mi nɛ tɛ mɛ kaa Mawu tsakee we e yi mi tomi ɔ, e ka kita kɛ ma nɔ mi.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

2 Petro 1:5

Enɛ ɔ tutuutu he je ɔ, nyɛɛ bɔ mɔde wawɛɛ nɛ nyɛɛ ngɔ kpakpa peemi ngɔ piɛ nyɛ hemi kɛ yemi ɔ he; nyɛɛ ngɔ nile ngɔ piɛ kpakpa peemi ɔ he.

2 Petro 2:20

Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”