2 Petro 1:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

Somi He Ɔ

¹⁰ Lɔ ɔ he ɔ, mamimɛ, nyɛɛ bɔ mɔde nɛ nyɛɛ wa je nyɛ tsɛmi kɛ nyɛ hlami ɔ, ejakaa ke nyɛ pee enɛ ɔ ɔ, nyɛ be si gbee gblegbleegblee.

2 Petro 1:10 ပူးပေါင်းရင်းမြစ်များ

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.

Hebribi 6:11

Nɔ́ nɛ wa ngɛ hlae ji kaa bɔ nɛ nyɛɛ kɛ hɛdɔ tsu nɔ́ nɛ ɔ, nyɛ ti nɔ tsuaa nɔ maa hɛɛ mi kɛ ya si nyagbe. Kɛkɛ ɔ, níhi nɛ nyɛ ngɔ nyɛ hɛ ngɔ fɔ nɔ ɔ, nyɛ ma na a nɔ mi mami.

La 121:3

E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

La 112:6

Nɔ nɛ peeɔ nɔ́ nɛ da a, nɔ́ ko nɔ́ ko be lɛ pee; a ma kai lɛ daa.

2 Petro 1:5

Enɛ ɔ tutuutu he je ɔ, nyɛɛ bɔ mɔde wawɛɛ nɛ nyɛɛ ngɔ kpakpa peemi ngɔ piɛ nyɛ hemi kɛ yemi ɔ he; nyɛɛ ngɔ nile ngɔ piɛ kpakpa peemi ɔ he.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Yesaya 56:2

Nihi nɛ baa a je mi saminya, nɛ a pee we yayami, se mohu a yeɔ Hejɔɔmi ligbi ɔ pɛpɛɛpɛ, nɛ a ble we lɛ ɔ, ma gbaa mɛ.”

La 62:6

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 37:24

Ke o nɔ si tete po, o be zugba tlɔe; ejakaa Yawɛ ma wo o nɔ ekohu.

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Mateo 22:14

Yesu gbe e munyu ɔ nya ke, “A tsɛ nihi fuu, se bɔɔ pɛ a hla.”

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Yakobo 2:10

Nɔ tsuaa nɔ nɛ maa ye mlaa amɛ tsuo a nɔ pɛpɛɛpɛ, se e ma tɔ mlaa a kake ɔ, e yeɔ fɔ kaa e tɔ mlaa amɛ tsuo.

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Yoshua 7:3

a de Yoshua ke, “Ko ha nɛ ma a tsuo nɛ ya. Ha nihi maa pee akpe enyɔ, loo akpe etɛ kɛkɛ ya tua Ai. Ko ha nɛ ma a tsuo gba a he nya nɛ a ya lejɛ ɔ, ejakaa ma wayoo kɛkɛ ji Ai.”