2 Korintobi 9:8 - BAIBLO ALOO NGMAMI KLƆUKLƆU Ɔ

⁸ Nɔ́ tsuaa nɔ́ nɛ hia nyɛ ɔ, Mawu ma ha nyɛ fuu kɛ be nɔ; nɔ́ ko nɔ́ ko be nyɛ hiae, nɛ nyɛ ma na fuu kɛ be nɔ kɛ tsu ní tsumi kpakpa slɔɔtohi.

Somi He Ɔ

⁸ Se Mawu ngɛ he wami nɛ e ma ha nyɛ ni kpakpahi kulaa kɛ be nɔ, konɛ nyɛ he nɛ kpe nyɛ kulaa ngɛ nɔ́ tsuaa nɔ́ mi daa nɛ ɔ nɛ nyɛɛ be nɔ ngɛ ni tsumi kpakpa tsuaa ni tsumi kpakpa mi,

2 Korintobi 9:8 ပူးပေါင်းရင်းမြစ်များ

Kronika II, 25:9

Amazia bi gbalɔ ɔ ke, “Lɛɛ sika hiɔ nɛ jiɔmi ji kilo akpe etɛ kɛ e nya lafa eywiɛ nɛ i ngɔ kɛ ha Israel tabo ɔ, mɛni wa maa pee ngɛ he?” Gbalɔ ɔ he nɔ ke, “Yawɛ ma nyɛ ma ha mo nɔ́ nɛ hiɛ pe ja!”

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Abɛ Womi 11:24

Ni komɛ haa nɔ nɔ́, se kɛ̃ ɔ, a naa ní babauu. Ni komɛ hu, nɔ́ nɛ sa kaa a ha nɔ ɔ, a peeɔ he kpɛle, se a yeɔ ohia.

Abɛ Womi 28:27

Nɔ nɛ kee ohiatsɛmɛ ní ɔ, nɔ́ ko nɔ́ ko be lɛ hiae. Nɔ nɛ naa ohiatsɛmɛ nɛ e maa e hɛngmɛ ɔ, nihi babauu maa gbiɛ lɛ.

Abɛ Womi 3:9

Ngɔɔ o ní babauu ɔ kɛ wo Yawɛ hɛ mi nyami; ngɔɔ o niba ní tsuo mi kekleekle nɔ́ kɛ sã bɔ ha lɛ.

Hagai 2:8

Ye níhi ji je ɔ mi sika tsu, kɛ sika hiɔ tsuo.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

2 Korintobi 13:3

Ma pee enɛ ɔ, ejakaa nyɛ ngɛ hlae nɛ nyɛɛ na okadi nɛ tsɔɔ kaa Kristo ngɛ munyu tue kɛ gu ye nɔ. Ke Kristo kɛ nyɛ ngɛ ní tsue ɔ, pi kaa e gbɔjɔ; mohu ɔ, e jeɔ e he wami kpetekpleenyɛ ɔ kpo ngɛ nyɛ kpɛti.

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

2 Korintobi 8:7

Nyɛ ngɛ ni kpa amɛ a hɛ mi kulaa ngɛ nɔ́ tsuaa nɔ́ mi, hemi kɛ yemi ngɛ Kristo mi, munyu tumi, anɔkuale ɔ lemi, hɛdɔ kɛ ha sɔmɔmi, kɛ suɔmi nɛ nyɛ ngɛ kɛ ha wɔ. Lɔ ɔ he ɔ, kikɛmɛ a ní tsumi nɛ nyɛ ngɛ tsue kɛ je nyɛ tsui mi ɔ hu, nyɛɛ hyɛ konɛ nyɛɛ be ni kpa amɛ a he jã nɔuu.

2 Korintobi 9:11

Ee, Mawu maa wo nyɛ ní babauu, konɛ nyɛ kɛ pee kpakpa be tsuaa be. Enɛ ɔ ma ha nihi fuu maa na Mawu si ngɛ nike ní nɛ a naa ngɛ nyɛ dɛ kɛ guu wa nɔ ɔ he.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Filipibi 4:11

Pi kaa nyɛ hyɛ we ye nɔ he je nɛ i ngɛ enɛ ɔ dee, ejakaa imi lɛɛ nɔ́ tsuaa nɔ́ nɛ ye nine su nɔ kɛkɛ ye bua jɔ he; ja ji bɔ nɛ i kase, nɛ i le.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

2 Tesalonikabi 2:17

e wo nyɛ bua, nɛ e ha nyɛ he wami nɛ nyɛ tsu ní kpakpa, nɛ nyɛɛ tu munyu kpakpa daa.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

2 Timoteo 3:17

Kɛkɛ ɔ, Mawu tsɔlɔ ɔ maa hi kɛ pi si, nɛ e he maa su kɛ tsu nɔ́ kpakpa.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Tito 3:14

Ha nɛ wa we bi ɔmɛ nɛ a kase bɔ nɛ a maa ngɔ a be kɛ tsu ní kpakpa ha. Kɛkɛ ɔ, ke fimi be ba a, nɔ́ ko be mɛ hiae; a ko pee a he nihi nɛ a he be se nami ko.

Tito 3:8

Anɔkuale munyu sisiisi ji nɛ ɔ nɛ. I suɔ kaa o di ní nɛ ɔmɛ a se wawɛɛ, konɛ nihi nɛ ba he Mawu ye ɔ nɛ a ngɔ a be kɛ tsu ní kpakpahi. Enɛ ɔmɛ ji níhi nɛ hi, nɛ a he ngɛ se nami ha nihi tsuo.

1 Petro 4:10

Nike ní pɔtɛɛ komɛ nɛ Mawu kɛ dloo nyɛ ti nɔ tsuaa nɔ ɔ, nyɛ kɛ sɔmɔ nyɛ sibi kaa Mawu dloomi nike ní slɔɔto ɔmɛ a nɔ hyɛli kpakpahi.