2 Korintobi 9:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Somi He Ɔ

⁷ Nɔ tsuaa nɔ nɛ ha bɔ nɛ e ma nya si momo ngɛ e tsui mi nɛ e ko je kɔmɔ yemi loo fimi mi; ejakaa nɔ nɛ haa ngɛ tsui mi jɔmi nya a Mawu suɔ.

2 Korintobi 9:7 ပူးပေါင်းရင်းမြစ်များ

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Mose II, 25:2

“De Israel bi ɔmɛ ke a ba ke mi ní. Nɔ tsuaa nɔ nɛ e tsui ma gbo nɔ kaa e maa ke nɔ́ ko ɔ, nyɛ he.

Abɛ Womi 11:25

Nɔ nɛ haa nɔ nɔ́ ɔ, e bɔɔ; nɔ nɛ haa nɛ nihi tɔɔ ɔ, lɛ nitsɛ hu e tɔɔ.

Abɛ Womi 22:9

Nɔ nɛ mi mi jɔ ɔ, a gbaa lɛ, ejakaa e ngɔɔ e niye ní kɛ haa ohiatsɛmɛ.

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Mose II, 35:5

Nyɛ ba ke imi Yawɛ ní. Nɔ tsuaa nɔ nɛ ngɛ he tsui kaa e maa ke nɔ́ ko ɔ, nɔ́ nɛ e ngɔ kɛ ba ji sika tsu, sika hiɔ, kɛ akɔblee;

Yesaya 32:8

Se nɔ nɛ hɛ mi ngɛ nyami ɔ lɛɛ ní kpakpahi a he e susuɔ, nɛ e yeɔ dami sane.

Mose V, 15:14

Ngɔɔ níhi nɛ Yawɛ, o Mawu ɔ kɛ gbaa mo ɔ, to, blɛfo, kɛ wai ɔ eko kɛ ha lɛ faa, nɛ o kɛ wo lɛ blɔ.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

Yesaya 32:5

A be kuasia hɛ mi nyami woe hu, nɛ nɔ sisilɔ ɔ, a be lɛ tsɛe ke anɔkualetsɛ hu.

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Filemon 1:14

Se i sume kaa ma je o se kɛ pee nɔ́ ko, bɔ nɛ pee nɛ nɔ́ kpakpa nɛ o ko je o tsui mi faa pee ɔ, e ko ba pee kaa nɔ́ nɛ pe a nyɛ o nɔ.