2 Korintobi 9:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

Somi He Ɔ

⁵ Lɔ ɔ he ɔ, i susu kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ nɛ a ba dla kikɛmɛ a nike ni nɛ nyɛ wo si momo nɔ ngɔ to, konɛ e pee nɔ́ ko nɛ a dla ngɔ to momo kaa jɔɔmi nɔ́ ko se pi nɔ nyɛmi nɔ́ ko.

2 Korintobi 9:5 ပူးပေါင်းရင်းမြစ်များ

Samuel I, 25:27

Jehanɛ, i kpa mo pɛɛ, o nɛ nike ní nɛ o mawayo kɛ ba ha mo nɛ o kɛ ha o we bi ɔmɛ.

Mose I, 33:11

I kpa mo pɛɛ nɛ o he nike ní nɛ ɔmɛ nɛ i ngɔ ba ha mo ɔ; Mawu nɛ na mi mɔbɔ, nɛ e ha mi nɔ́ tsuaa nɔ́ nɛ hia mi.” Kikɛ nɛ ɔ Yakob hao Esau hluu kɛ ya si Esau kplɛɛ nɛ e he nike ní ɔmɛ.

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

Samuel I, 30:26

Benɛ David kpale kɛ ba Ziklag ɔ, e tsɔ nɛ a kɛ ta yibu ní ɔ eko ya ha e huɛmɛ Yuda ma nimeli ɔmɛ, nɛ e de mɛ ke, “Nike ní nɛ wa ngɔ kɛ ba ha nyɛ nɛ ɔ ji ta yibu ní nɛ wa ngɔ kɛ je Yawɛ he nyɛli ɔmɛ a dɛ mi ɔ eko.”

Manyadali 1:15

Aksa he nɔ ke, “Moo ke mi nɔ́ ko. O ha mi zugba ngɛ leneyi je he nɛ nyu be momo, lɔ ɔ he ɔ, i kpa mo pɛɛ nɛ o ha mi he ko nɛ nyu ngɛ kɛ piɛ he!” Nɛ Kaleb ha lɛ hehi nɛ nyu ngɛ, ngɛ yo nɔ kɛ kɔ̃ mi.

2 Korintobi 9:3

I ngɛ nyɛmimɛ etɛ nɛ ɔmɛ nyɛ ngɔ tsɔe, konɛ fiami nɛ wa fĩa fɔ nyɛ nɔ ɔ kó pee yaka ngɛ enɛ ɔ blɔ fa mi. Lɔ ɔ he ɔ, kaa bɔ nɛ i de to ɔ, nyɛ dla nyɛ he.

2 Korintobi 9:6

Nyɛ kai kaa ke nɔ ko du wu bɔbɔyoo ɔ, e ma kpa ní bɔbɔyoo; ke nɔ ko du wu fuu ɔ, e ma kpa ní babauu jã kɛ̃.