2 Korintobi 9:4 - BAIBLO ALOO NGMAMI KLƆUKLƆU Ɔ

⁴ Se ke i kɛ nyɛmimɛ ɔmɛ nɛ je Makedonia a ekomɛ ba nyɛ ngɔ ɔ, i be suɔe nɛ a ba na kaa mamoo nyɛ dla we nyɛ he saasaa. Ke e ba mi jã a, waa kɛ nyɛ tsuo wa hɛ mi ma pue si kaa wa fĩa fɔ nyɛ nɔ kikɛ nɛ ɔ.

Somi He Ɔ

⁴ nɛ ke Makedoniabi ɔmɛ ekomɛ kɛ mi ba a, a ko ba na nyɛ kaa nyɛ dla we nyɛ he nɛ wa hɛ mi (wa ko de ke nyɛ hɛ mi) ba pue si ngɛ kikɛmɛ a hɛ kɛ nɔ fɔmi nɛ ɔ mi.

2 Korintobi 9:4 ပူးပေါင်းရင်းမြစ်များ

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

2 Korintobi 11:17

Nɔ́ nɛ i ngɛ dee nɛ ɔ, tsa pi kikɛ nɛ ɔ nɛ Nyɔmtsɛ Yesu Kristo ko suɔ nɛ ma tu munyu. Fiami nɛ i ngɛ fĩae nɛ ɔ, i ngɛ munyu tue kaa kuasia pɛ.

2 Korintobi 8:24

Nyɛɛ tsɔɔ nimli nɛ ɔmɛ ngɛ asafo ɔmɛ a hɛ mi kaa nyɛ suɔ mɛ. Kɛkɛ ɔ, enɛ ɔ maa ye odase kaa fiami nɛ wa fĩa fɔ nyɛ nɔ ɔ pee we yaka.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

Filemon 1:19

Imi Paulo nitsɛ ye nine nya ji nɛ ɔ nɛ, ma wo mo hiɔ ɔ tsuo pɛpɛɛpɛ. E hia we nɛ ma wo nɔ ta ha mo kaa mo nitsɛ tete, Kristo nɛ o le amlɔ nɛ ɔ, o hɛɛ mi o yi nɔ hiɔ po.