2 Korintobi 8:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

Somi He Ɔ

⁶ Enɛ ɔ ha wa kpa Tito pɛɛ, konɛ bɔ nɛ e je sisi momo sa a, ja nɔuu e gbe kikɛmɛ a dloomi nɛ ɔ hu nya ngɛ nyɛ kpɛti.

2 Korintobi 8:6 ပူးပေါင်းရင်းမြစ်များ

Ni Tsumi 24:17

“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.

Romabi 15:25

Amlɔ nɛ ɔ lɛɛ i pue nɔ kɛ yaa Yerusalem nɛ ma ngɔ nike ní kɛ ya ha ni klɔuklɔu ɔmɛ nɛ ngɛ lejɛ ɔ.

2 Korintobi 12:18

Pe i kpa Tito pɛɛ nɛ i tsɔ wa nyɛmi kake ɔ ngɔ piɛ e he loko e ba slaa nyɛ. Anɛ Tito ba sisi nyɛ lo? Dɛbi! Anɛ nyɛ li kaa i kɛ lɛ tsuo wa hɛɛ juɛmi kake, nɛ wa peeɔ wa ní fiee lo?

2 Korintobi 2:13

Se i hao, ejakaa i nɛ wa nyɛmi Tito. Lɔ ɔ he ɔ, i kɛ mɛ ye sɛ, nɛ i pue nɔ kɛ ho Makedonia ya.

2 Korintobi 8:10

Ga nɛ i ngɛ nyɛ woe kɛkɛ ji kaa tsumi nɛ ɔ sa nyɛ. Ejakaa nyɛ juɛmi a kɛ to he ga, nɛ nyɛ ji kekleekle nihi nɛ bɔni tsumi jeha ji nɛ.

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

2 Korintobi 8:23

Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

2 Korintobi 8:4

A kɛ hɛdɔ babauu kpa wɔ pɛɛ ke wa ha nɛ mɛ hu a pee a blɔ nya kɛ ye bua ni klɔuklɔu ɔmɛ ngɛ sɔmɔmi ní tsumi nɛ ɔ mi.

2 Korintobi 9:5

Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

1 Petro 4:10

Nike ní pɔtɛɛ komɛ nɛ Mawu kɛ dloo nyɛ ti nɔ tsuaa nɔ ɔ, nyɛ kɛ sɔmɔ nyɛ sibi kaa Mawu dloomi nike ní slɔɔto ɔmɛ a nɔ hyɛli kpakpahi.