2 Korintobi 8:5 - BAIBLO ALOO NGMAMI KLƆUKLƆU Ɔ

⁵ Nɔ́ nɛ nyɛɛ se ɔ, wa hɛ be nɔ kulaa! Kekleekle ɔ, a ngɔ a he ngɔ ha kaa a ma sɔmɔ Nyɔmtsɛ Yesu ngɛ blɔ tsuaa blɔ nɔ. Jehanɛ hu, a wo wɔ si ke a maa bu wɔ tue kaa bɔ nɛ Mawu hlaa nɛ a pee ɔ.

Somi He Ɔ

⁵ nɛ pi kaa bɔ nɛ wa hɛ ngɛ nɔ ɔ kɛkɛ, se mohu, ngɛ Mawu suɔmi nya a, a ngɔ mɛ nitsɛmɛ a he ngɔ ha Nyɔmtsɛ ɔ kekle kɛ wɔ hulɔ.

2 Korintobi 8:5 ပူးပေါင်းရင်းမြစ်များ

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

1 Korintobi 1:1

Imi Paulo, nɛ Mawu suɔmi nya a, e tsɛ mi nɛ ma ba pee Yesu Kristo bɔfo ɔ, i kɛ wa nyɛmi Sostene lɛ wa ngma womi nɛ ɔ.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

2 Korintobi 8:1

Nyɛmimɛ! Wa ngɛ hlae nɛ nyɛɛ le nɔ́ nɛ Mawu dloomi ɔ tsu ngɛ asafo ɔmɛ a mi ngɛ Makedonia.

Samuel I, 1:28

Lɔ ɔ he ɔ, imi hu i ngɔ lɛ ba ha Yawɛ. E maa pee Yawɛ nɔ́ e wami ligbi ɔmɛ tsuo.” Kɛkɛ nɛ a ja Yawɛ ngɛ lejɛ ɔ.