2 Korintobi 8:3 - BAIBLO ALOO NGMAMI KLƆUKLƆU Ɔ

³ I ngɛ odase yee kaa a ha bɔ nɛ a ma nyɛ kɛ je a tsui mi faa; ee, a ha pe bɔ nɛ a ma nyɛ po.

Somi He Ɔ

³ ejakaa i ngɛ odase yee kaa a ha bɔ nɛ a ma nyɛ, nɛ a ha pe bɔ nɛ a ma nyɛ tete ngɛ mɛ nitsɛmɛ a suɔmi nya,

2 Korintobi 8:3 ပူးပေါင်းရင်းမြစ်များ

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Mose II, 35:5

Nyɛ ba ke imi Yawɛ ní. Nɔ tsuaa nɔ nɛ ngɛ he tsui kaa e maa ke nɔ́ ko ɔ, nɔ́ nɛ e ngɔ kɛ ba ji sika tsu, sika hiɔ, kɛ akɔblee;

Filemon 1:14

Se i sume kaa ma je o se kɛ pee nɔ́ ko, bɔ nɛ pee nɛ nɔ́ kpakpa nɛ o ko je o tsui mi faa pee ɔ, e ko ba pee kaa nɔ́ nɛ pe a nyɛ o nɔ.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

Ni Tsumi 11:29

Lɔ ɔ he ɔ, kaseli ɔmɛ pee a yi mi kaa a ti nɔ tsuaa nɔ ma tsu nɔ́ ko bɔ nɛ e ma nyɛ, konɛ a kɛ ya je ngmlaa ha nyɛmimɛ ɔmɛ ngɛ Yudea.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

1 Tesalonikabi 2:8

Akɛnɛ wa suɔ nyɛ saminya a, wa na he tsui kaa pi Mawu sane kpakpa a kɛkɛ nɛ wa maa ngɔ ba ha nyɛ; se wɔ nitsɛmɛ wa wami tete wa ma ngɔ fɔ si ha nyɛ. Suɔmi nɛ wa ngɛ kɛ ha nyɛ ɔ nya wa!

Kolosebi 4:13

I ngɛ e he odase yee kaa e gbo dengme saminya ngɛ nyɛɛ kɛ nihi nɛ ngɛ Laodikea, kɛ Hierapoli ɔ nyɛ he.

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

Romabi 10:2

Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Galatabi 4:15

Bua jɔmi nɛ nyɛ kɛ nya ye he jamɛ a be ɔ, jije e ngɛ amlɔ nɛ ɔ? Imi nitsɛ ma nyɛ ma ye odase kaa jamɛ a be ɔ, kaa e hi peemi ɔ, jinɛ nyɛ ko ta nyɛ hɛngmɛ tete po ngɔ ha mi.

Marko 14:8

Yo nɛ ɔ pee nɔ́ nɛ e ma nyɛ. E sɛ hlami pɔ ye nɔmlɔ tso ɔ nu ngɔ to ye pumi.