2 Korintobi 8:23 - BAIBLO ALOO NGMAMI KLƆUKLƆU Ɔ

²³ Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

Somi He Ɔ

²³ Tito ɔ, ye he piɛlɔ kɛ mami ni tsulɔ ji lɛ ha nyɛ, nɛ wa nyɛmimɛ ɔmɛ hu, asafo ɔmɛ a bɔfohi kɛ Kristo hɛ mi nyami ji mɛ.

2 Korintobi 8:23 ပူးပေါင်းရင်းမြစ်များ

Filipibi 2:25

Wa nyɛmi Epafrodito nɛ nyɛ tsɔ lɛ ye ngɔ ɔ, e kɛ mi ba tsu ní saminya kaa ta bulɔ kpakpa. E sɔmɔ mi bɔ nɛ sa, nɛ amlɔ nɛ ɔ, ye juɛmi nya a, e hia kaa ma wo lɛ blɔ kɛ ba nyɛ ngɔ.

Filemon 1:17

Enɛ ɔ he ɔ, ke o buu mi o huɛ tutuutu nɛ o kɛ lɛ tsuɔ ní ɔ, he Onesimo atuu kaa bɔ nɛ o ma he mi.

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

3 Yohane 1:8

Lɔ ɔ he ɔ, wɔ nɛ wa le Kristo ɔ, e hia kaa waa ye kɛ bua nimli nɛ ɔmɛ, nɛ waa piɛ a he kɛ tsu anɔkuale ɔ he ní tsumi ɔ.

Filemon 1:24

Marko, Aristarko, Dɛma, kɛ Luka, ye huɛmɛ nɛ i kɛ mɛ tsuɔ ní ɔ, mɛ hu a ke a biɔ mo.

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

2 Korintobi 12:18

Pe i kpa Tito pɛɛ nɛ i tsɔ wa nyɛmi kake ɔ ngɔ piɛ e he loko e ba slaa nyɛ. Anɛ Tito ba sisi nyɛ lo? Dɛbi! Anɛ nyɛ li kaa i kɛ lɛ tsuo wa hɛɛ juɛmi kake, nɛ wa peeɔ wa ní fiee lo?

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Luka 5:7

Lɔ ɔ he ɔ, a fɔ a huɛmɛ nɛ ngɛ lɛ kpa a mi ɔ nine ke a ba piɛ a he. A ba, nɛ a ba wo lɛ enyɔ ɔmɛ tsuo a mi lo tɔtɔɔtɔ kɛ ya si lɛ ɔmɛ miɔ nɛ a ma mu.

Yohane 13:16

I ngɛ nyɛ dee anɔkuale mi ke nyɔguɛ pã we e nyɔmtsɛ, nɛ tsɔlɔ hu pã we nɔ nɛ tsɔ lɛ ɔ.

1 Korintobi 11:7

E sɛ kaa nyumu kɛ nɔ́ haa e yi nɔ, ejakaa Mawu subai mi a bɔ lɛ ngɛ, nɛ e woɔ Mawu hɛ mi nyami. Se yo lɛɛ nyumu hɛ mi nyami womi nɔ́ ji lɛ;

2 Korintobi 8:18

Nyɛmi nɛ wa tsɔ piɛ e he ɔ, a buu lɛ saminya ngɛ asafo ɔmɛ tsuo a mi kaa nɔ ko nɛ bɔɔ sane kpakpa a fiɛmi he mɔde.

2 Korintobi 8:22

Lɔ ɔ he ɔ, wa tsɔ wa nyɛmi ɔ hu kɛ piɛ a he. Wa ka lɛ si abɔ ngɛ níhi fuu a mi, nɛ wa na kaa e bɔɔ mɔde saminya. Amlɔ nɛ ɔ, e ngɔ e hɛ ngɔ fɔ nyɛ nɔ wawɛɛ, nɛ e hɛ dɔ wawɛɛ pe daa.

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.

Tito 1:4

I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!