2 Korintobi 8:20 - BAIBLO ALOO NGMAMI KLƆUKLƆU Ɔ

²⁰ Wa ngɛ mɔde bɔe nɛ wa ko pee nɔ́ ko nɛ ma ha nihi maa tu munyu yaya ngɛ nike ní nguaa nɛ ɔ nɔ hyɛmi he.

Somi He Ɔ

²⁰ ejakaa wa ngɛ hlae nɛ waa tsi enɛ ɔ nya nɛ nɔ ko nɛ ko tu wa he munyu yaya ngɛ kikɛmɛ a nike ni agbo nɛ wa ngɛ sɔmɔe ngɛ he nɛ ɔ he.

2 Korintobi 8:20 ပူးပေါင်းရင်းမြစ်များ

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

Efesobi 5:15

Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

1 Korintobi 16:3

Ke i ba a, ma tsɔ nihi nɛ nyɛ nitsɛmɛ nyɛ buu mɛ kɛ womi, konɛ a ngɔ nyɛ nike ní ɔ kɛ ya Yerusalem.

Romabi 14:16

Nɔ́ ko nɛ nyɛ buu nɔ́ kpakpa a, nyɛ ko ha nɛ a tu he munyu yaya.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Matsɛmɛ II, 12:15

Ni nɛmɛ nɛ a kɛ sika a woɔ a dɛ loko mɛ hu a ngɔɔ kɛ haa ní tsuli ɔmɛ ɔ, a kɛ mɛ pee we sika a he akɔtaa; ejakaa a yeɔ anɔkuale saminya.

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

2 Korintobi 8:21

Wa yi mi tomi ji kaa waa pee nɔ́ nɛ da, pi ngɛ Nyɔmtsɛ Mawu hɛ mi kɛkɛ, se ngɛ ni kpahi a hɛ mi hulɔ.