2 Korintobi 8:2 - BAIBLO ALOO NGMAMI KLƆUKLƆU Ɔ

² Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.

Somi He Ɔ

² kaa nɔ nami ka babauu mi ɔ, a bua jɔmi ɔ be nɔ kɛ̃, nɛ a hia nɛ mi kuɔ ɔ hu be nɔ kɛ je e he kpo ngɛ mi mi himi ni hami mi,

2 Korintobi 8:2 ပူးပေါင်းရင်းမြစ်များ

Abɛ Womi 11:25

Nɔ nɛ haa nɔ nɔ́ ɔ, e bɔɔ; nɔ nɛ haa nɛ nihi tɔɔ ɔ, lɛ nitsɛ hu e tɔɔ.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 2:9

I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

2 Korintobi 9:11

Ee, Mawu maa wo nyɛ ní babauu, konɛ nyɛ kɛ pee kpakpa be tsuaa be. Enɛ ɔ ma ha nihi fuu maa na Mawu si ngɛ nike ní nɛ a naa ngɛ nyɛ dɛ kɛ guu wa nɔ ɔ he.

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.

Mose V, 15:4

Ohiatsɛ be nyɛ kpɛti hie; ejakaa Yawɛ, o Mawu ɔ maa gbaa mo ngɛ zugba a nɛ e ngɔ kɛ ngɛ mo hae kaa o weto ní ɔ nɔ.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

1 Tesalonikabi 2:14

Nyɛmimɛ, nɔ́ nɛ pee nyɛ nɛ ɔ, lɔ ɔ nɔuu nɛ pee Mawu asafo ɔmɛ nɛ ngɛ Yudea a mi bi nɛ ngɔ a he ngɔ ha Kristo Yesu ɔ. Nyɛ na amanehlu ngɛ nyɛ nitsɛmɛ nyɛ ma mi bi a dɛ mi kaa bɔ nɛ mɛ hu a na amanehlu ngɛ Yuda bi a dɛ mi ɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!