2 Korintobi 8:19 - BAIBLO ALOO NGMAMI KLƆUKLƆU Ɔ

¹⁹ Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

Somi He Ɔ

¹⁹ Nɛ pi enɛ ɔ kɛkɛ, se asafo ɔmɛ hia lɛ to hulɔ nɛ e kɛ wɔ nɛ nyɛɛ, nɛ e hɛɛ kikɛmɛ a dloomi nɛ wa ngɛ sɔmɔe ngɛ he nɛ ɔ kɛ wo Nyɔmtsɛ ɔ hɛ mi nyami, nɛ a kɛ tsɔɔ ni tsumi ɔ he suɔmi nɛ wa ngɛ;

2 Korintobi 8:19 ပူးပေါင်းရင်းမြစ်များ

2 Korintobi 4:15

Nyɛ he nɛ a ngɛ enɛ ɔ tsuo pee ngɛ. Nɛ ke Mawu dloomi nya a, a ba he nihi fuu a yi wami ɔ, jã kɛ̃ sina sɔlemi ɔ maa hiɛ kɛ wo Mawu hɛ mi nyami.

2 Korintobi 9:8

Nɔ́ tsuaa nɔ́ nɛ hia nyɛ ɔ, Mawu ma ha nyɛ fuu kɛ be nɔ; nɔ́ ko nɔ́ ko be nyɛ hiae, nɛ nyɛ ma na fuu kɛ be nɔ kɛ tsu ní tsumi kpakpa slɔɔtohi.

Ni Tsumi 15:25

Lɔ ɔ he ɔ, wa pee kpe, nɛ wɔ tsuo wa ma nya si kaa waa hia ni komɛ pɔtɛɛ nɛ waa tsɔ mɛ nyɛ ngɔ. A maa piɛ Barnaba kɛ Paulo nɛ wa suɔ mɛ saminya a a he kɛ ba.

Ni Tsumi 15:22

Kɛkɛ nɛ bɔfo ɔmɛ, nikɔtɔma amɛ, kɛ asafo mluku ɔ tsuo ma nya si kaa a hia mɛ nitsɛmɛ a kpɛti ni komɛ kɛ piɛ Paulo kɛ Barnaba a he, nɛ a tsɔ mɛ Antiokia. A hla Yuda, nɔ nɛ a tsɛɛ lɛ Barsaba hulɔ ɔ, kɛ Sila, ni enyɔ nɛ asafo ɔ tsuo buu mɛ saminya.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 19:22

Lɔ ɔ he ɔ, e tsɔ e he piɛli enyɔ Makedonia. Mɛ ji Timoteo, kɛ Erasto; se lɛ nitsɛ lɛɛ e hi Asia be bɔɔ.

Ni Tsumi 19:29

Ma a mi tsuo pee hoo kɛ ngmlaa. Kɛkɛ nɛ basabasa peeli ɔmɛ ya nu Gayo kɛ Aristarko, Makedonia bi nɛ piɛ Paulo he kɛ hia blɔ ɔ, nɛ a tsɛ̃ a yi se kɛ fo kɛ ho he nɛ ma a kpee ngɛ ɔ ya.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

2 Korintobi 8:11

Lɔ ɔ he ɔ, nyɛɛ bɔ mɔde nɛ nyɛɛ gbe tsumi ɔ nya. Hɛdɔ nɛ nyɛɛ kɛ to he ga a, nyɛɛ kɛ jamɛ a hɛdɔ ɔ nɔuu nɛ gbe nya. Nyɛ ha bɔ nɛ nyɛ ma nyɛ!

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:20

Wa ngɛ mɔde bɔe nɛ wa ko pee nɔ́ ko nɛ ma ha nihi maa tu munyu yaya ngɛ nike ní nguaa nɛ ɔ nɔ hyɛmi he.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.