2 Korintobi 8:16 - BAIBLO ALOO NGMAMI KLƆUKLƆU Ɔ

¹⁶ Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Somi He Ɔ

¹⁶ Se sina ha Mawu, nɔ nɛ ngɔ nyɛ he mɔde bɔmi nɛ ɔ ngɔ wo Tito tsui mi ɔ.

2 Korintobi 8:16 ပူးပေါင်းရင်းမြစ်များ

Kronika II, 31:8

Benɛ Matsɛ Hezekia, kɛ ganɔ ɔmɛ ba na nike ní babauu nɛ a kɛ ba a, a je Yawɛ kɛ e ma Israel ɔ a yi.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.

Yeremia 31:31

Yawɛ ke, “Be ma nɛ i kɛ Israel ma a, kɛ Yuda ma a maa so somi he.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

2 Korintobi 7:12

Lɔ ɔ he ɔ, womi ɔ nɛ i ngma nyɛ ɔ, tsa pi nɔ ɔ, aloo nɔ nɛ a tɔ̃ e nɔ ɔ he titli nɛ e kɔɔ. I ngma womi ɔ konɛ dengme nɛ nyɛ ngɛ gboe ngɛ wa he ɔ nɛ je kpo paa ha nyɛ ngɛ Mawu hɛ mi.

2 Korintobi 7:7

Pi e bami ɔ kɛkɛ nɛ ha nɛ wa nɔ gbagba te ɔ, se amaniɛ nɛ e ba bɔ wɔ nɛ tsɔɔ bɔ nɛ nyɛ hu nyɛ wo lɛ he wami ngɛ lejɛ ɔ piɛ he. E bɔ wɔ bɔ nɛ nyɛ suɔ kaa nyɛ maa na mi ekohu, bɔ nɛ nyɛ hao ngɛ nɔ́ nɛ ba a he, kɛ bɔ nɛ nyɛ pee klaalo nɛ nyɛ ma fa ye he. Enɛ ɔ ha nɛ i na bua jɔmi kulaa pe kekle ɔ.

2 Korintobi 8:23

Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

Filipibi 2:20

Timoteo pɛ ji nɔ nɛ susuu nyɛ he, nɛ e hlaa kaa e hi ha nyɛ; i li nɔ kpa ko hu kaa lɛ.

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.