2 Korintobi 8:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, nyɛɛ bɔ mɔde nɛ nyɛɛ gbe tsumi ɔ nya. Hɛdɔ nɛ nyɛɛ kɛ to he ga a, nyɛɛ kɛ jamɛ a hɛdɔ ɔ nɔuu nɛ gbe nya. Nyɛ ha bɔ nɛ nyɛ ma nyɛ!

Somi He Ɔ

¹¹ Lɔ ɔ he ɔ, jehanɛ, nyɛɛ gbe ni tsumi ɔ nya; nyɛɛ kɛ hɛdɔ nɛ gbe nya kaa bɔ nɛ nyɛ je sisi ɔ, nɛ nyɛ ha bɔ nɛ nyɛ ma nyɛ.

2 Korintobi 8:11 ပူးပေါင်းရင်းမြစ်များ

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

Mose II, 25:2

“De Israel bi ɔmɛ ke a ba ke mi ní. Nɔ tsuaa nɔ nɛ e tsui ma gbo nɔ kaa e maa ke nɔ́ ko ɔ, nyɛ he.

2 Korintobi 8:3

I ngɛ odase yee kaa a ha bɔ nɛ a ma nyɛ kɛ je a tsui mi faa; ee, a ha pe bɔ nɛ a ma nyɛ po.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.