2 Korintobi 8:10 - BAIBLO ALOO NGMAMI KLƆUKLƆU Ɔ

¹⁰ Ga nɛ i ngɛ nyɛ woe kɛkɛ ji kaa tsumi nɛ ɔ sa nyɛ. Ejakaa nyɛ juɛmi a kɛ to he ga, nɛ nyɛ ji kekleekle nihi nɛ bɔni tsumi jeha ji nɛ.

Somi He Ɔ

¹⁰ Ga kɛkɛ i ngɛ nyɛ woe ngɛ enɛ ɔ mi, ejakaa enɛ ɔ hi ha nyɛ kaa nyɛɛ gbe nɔ́ nɛ nyɛ je sisi jeha ji nɛ ɔ nɛ ɔ nya, tsa pi ngɛ peemi mi kɛkɛ, se mohu ngɛ suɔmi mi hulɔ.

2 Korintobi 8:10 ပူးပေါင်းရင်းမြစ်များ

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

1 Korintobi 7:40

Se ke e hi si bɔ nɛ e ngɛ ɔ, a maa gbaa lɛ babauu mohu. Bɔ nɛ ye juɛmi deɔ mi ji nɛ ɔ nɛ, nɛ e peeɔ mi kaa imi hu Mawu mumi ngɛ ye mi.

1 Korintobi 7:25

Jehanɛ, nɔ́ nɛ nyɛ ngma ngɛ yihewi nɛ gba we lolo a he ɔ, Nyɔmtsɛ ɔ ha we mi mlaa pɔtɛɛ ko. Se kɛ̃ ɔ, juɛmi nɛ i kɛ ngɛ nyɛ ga nɛ ɔ woe ɔ, Nyɔmtsɛ ɔ nitsɛ lɛ dloo mi; lɔ ɔ he ɔ, e hia kaa nɔ́ nɛ ma de nyɛ ɔ, nyɛɛ ngɔ.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

2 Korintobi 8:8

Pi mlaa nɛ i ngɛ nyɛ woe. Dɛbi! Hɛdɔ nɛ Makedonia asafo ɔmɛ kɛ tsu ní ɔ nɛ i kɛ ngɛ nyɛ suɔmi ɔ he toe kaa e je tsui klɔuu mi lo.

1 Korintobi 16:2

Daa otsi mi kekleekle ligbi ɔ, sika nɛ nyɛ ti nɔ tsuaa nɔ naa ngɛ otsi ɔ mi ɔ, e je eko ngɔ to, nɛ e hi nya buae. Kɛkɛ ɔ, ke i ba a, e be hiae kaa a tsu sika hu.

2 Korintobi 12:1

Ma ya nɔ ma fĩa kɛ̃, pohu se nami ko be he. Jehanɛ lɛɛ nɔ́ nɛ he munyu nɛ ma tu ji bɔ nɛ Nyɔmtsɛ Yesu Kristo je e he kpo tsɔɔ mi, kɛ e suɔmi nya níhi nɛ e tsɔɔ ke ma pee.

Yohane 11:50

Anɛ nyɛ li kaa ke nyɛ ha nɔ kake mohu gbo ngɛ ma a tsuo nane mi ɔ, e hi pe nɛ a ma kpata ma a tsuo hɛ mi lo?”

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

1 Korintobi 10:23

Nyɛ deɔ ke, “Wa ngɛ he blɔ kaa wa peeɔ nɔ́ tsuaa nɔ́.” Saminya! Se pi nɔ́ tsuaa nɔ́ nɛ he ngɛ se nami. “Wa ngɛ he blɔ kaa wa peeɔ nɔ́ tsuaa nɔ́.” Niinɛ! Se pi nɔ́ tsuaa nɔ́ peemi nɛ ma ha Kristo asafo ɔ maa ya nɔ.

1 Korintobi 6:12

Nɔ ko ma de ke, “I ngɛ he blɔ nɛ i peeɔ nɔ́ tsuaa nɔ́ nɛ i suɔ nɛ mlaa ko mlaa ko tsí ye nya.” Ee, se tsa pi nɔ́ tsuaa nɔ́ nɛ hi ha mo. Imi hu i ko de ke i ngɛ he blɔ nɛ i peeɔ nɔ́ tsuaa nɔ́ nɛ i suɔ jã nɔuu. Se i be hae nɛ nɔ́ ko nɔ́ ko nɛ ye ye nɔ.

Yohane 18:14

Kayafa nɛ wo Yuda ma nimeli ɔmɛ ga be ko kaa e sa nɛ nɔ kake mohu nɛ gbo ngɛ ma a tsuo nane mi ɔ nɛ.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.