2 Korintobi 8:1 - BAIBLO ALOO NGMAMI KLƆUKLƆU Ɔ

¹ Nyɛmimɛ! Wa ngɛ hlae nɛ nyɛɛ le nɔ́ nɛ Mawu dloomi ɔ tsu ngɛ asafo ɔmɛ a mi ngɛ Makedonia.

Somi He Ɔ

¹ Se, mamimɛ, wa ngɛ hae nɛ nyɛɛ le dloomi nɛ Mawu ngɔ ha ngɛ Makedonia asafo ɔmɛ a mi ɔ,

2 Korintobi 8:1 ပူးပေါင်းရင်းမြစ်များ

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

1 Tesalonikabi 4:10

nɛ niinɛ ɔ, nyɛ suɔ nyɛmimɛ ɔmɛ tsuo pɛpɛɛpɛ nɛ ngɛ Makedonia a saminya. Se wa kpa nyɛ pɛɛ nyɛmimɛ, nyɛɛ ya nɔ nɛ nyɛɛ pee pe ja po.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

Ni Tsumi 16:9

Jamɛ a nyɔ ɔ mi nɔuu ɔ, a je nina ko kɛ tsɔɔ Paulo. E na Makedonia no ko nɛ daa si ngɛ lɛ pɛɛ kpae ke, “Ba Makedonia nɛ o ba ye bua wɔ!”

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 9:12

Ejakaa ní tsumi nɛ nyɛ ngɛ tsue ɔ, pi kaa wa nyɛmimɛ ɔmɛ nɛ heɔ yeɔ ɔ a hiami níhi kɛkɛ nɛ nyɛ ngɛ pee ha mɛ. Nihi babauu hu ngɛ Mawu si nae kɛ gu sɔlemi mi.

2 Korintobi 9:4

Se ke i kɛ nyɛmimɛ ɔmɛ nɛ je Makedonia a ekomɛ ba nyɛ ngɔ ɔ, i be suɔe nɛ a ba na kaa mamoo nyɛ dla we nyɛ he saasaa. Ke e ba mi jã a, waa kɛ nyɛ tsuo wa hɛ mi ma pue si kaa wa fĩa fɔ nyɛ nɔ kikɛ nɛ ɔ.

Ni Tsumi 24:17

“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.

Mateo 25:22

“Tsɔlɔ ɔ nɛ na sika tsu yi akpe enyɔ ɔ hu ba, nɛ e ba de ke, ‘Nyɔmtsɛ, o ha mi sika tsu yi akpe enyɔ. O nɛ, i kɛ na akpe enyɔ ngɔ piɛ he.’