2 Korintobi 7:7 - BAIBLO ALOO NGMAMI KLƆUKLƆU Ɔ

⁷ Pi e bami ɔ kɛkɛ nɛ ha nɛ wa nɔ gbagba te ɔ, se amaniɛ nɛ e ba bɔ wɔ nɛ tsɔɔ bɔ nɛ nyɛ hu nyɛ wo lɛ he wami ngɛ lejɛ ɔ piɛ he. E bɔ wɔ bɔ nɛ nyɛ suɔ kaa nyɛ maa na mi ekohu, bɔ nɛ nyɛ hao ngɛ nɔ́ nɛ ba a he, kɛ bɔ nɛ nyɛ pee klaalo nɛ nyɛ ma fa ye he. Enɛ ɔ ha nɛ i na bua jɔmi kulaa pe kekle ɔ.

Somi He Ɔ

⁷ Se pi e bami ɔ kɛkɛ, se mohu bua womi nɛ e na kɛ je nyɛ ngɔ ɔ hulɔ, ejakaa e ba bɔ wɔ bɔ nɛ nyɛ ngɛ hlae nɛ nyɛ maa na mi, kɛ nyɛ kɔmɔ yemi ɔ, kɛ ye he mɔde nɛ nyɛ ngɛ bɔe ɔ, enɛ ɔ he ɔ i na bua jɔmi babauu pe keklee ɔ.

2 Korintobi 7:7 ပူးပေါင်းရင်းမြစ်များ

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

2 Korintobi 5:2

Be mi nɛ wa ngɛ bo tsu nɛ ɔ mi ɔ, wa hɛ jaa, nɛ wa faa huu kaa a ngɔ wa tsu nɛ je hiɔwe ɔ ngɔ wo wɔ.

2 Yohane 1:4

I na bua jɔmi babauu, benɛ i nu kaa o bimɛ ɔmɛ ekomɛ baa a je mi ngɛ anɔkuale ɔ nya kaa bɔ nɛ Tsɛ ɔ fa wɔ ke waa pee ɔ.

Yakobo 5:17

Eliya a, nɔmlɔ adesa ji lɛ kaa wɔ nɔuu. E sɔle kɛ hɛdɔ ke hiɔmi kó nɛ; nɛ hiɔmi nɛ́ ngɛ zugba a nɔ jeha etɛ kɛ nyɔhiɔ ekpa sɔuu.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

1 Tesalonikabi 3:8

Ke nyɛ maa ngɔ nyɛ he ngɔ mɛtɛ Nyɔmtsɛ ɔ kulaa a, wɔ hu wa ma na he wami he.

1 Tesalonikabi 3:6

Amlɔ nɛ ɔ, Timoteo kpale kɛ ba, nɛ e ba bɔ wɔ amaniɛ saminyayoo nɛ kɔɔ nyɛ hemi kɛ yemi, kɛ nyɛ suɔmi ɔ he. E ba de wɔ ke nyɛ susuɔ wa he daa nɛ, nɛ nyɛ hɛ jaa ngɛ wa he kaa bɔ nɛ wɔ hu wa hɛ jaa ngɛ nyɛ he ɔ.

Kolosebi 2:5

E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

2 Korintobi 2:9

I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

Romabi 1:12

I ngɛ tsɔɔe kaa i kɛ nyɛ tsuo waa ngɔ hemi kɛ yemi nɛ wa ngɛ ɔ kɛ wo wa sibi he wami.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

La 51:1

Mawu, naa mi mɔbɔ ngɛ o suɔmi nɛ ngɛ daa a he; nɛ ngɛ o mɔbɔ nami nɛ be nyagbe ɔ he ɔ, tsu ye he yayami ɔmɛ.

La 38:18

I ngɛ jajee kaa i pee yayami; ye he yayami ɔmɛ ngɛ mi dɔe.

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

1 Korintobi 5:2

Nɛ nyɛ ngɛ nyɛ he nɔ woe ngɔ piɛ he! Niinɛ, e sa kaa nyɛɛ ye kɔmɔ mohu. Nyumu nɛ tsu nɔ́ nɛ ɔ, nyɛɛ fie lɛ kɛ je nyɛ kpɛti.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

2 Korintobi 7:8

Jamɛ a womi ɔ nɛ i ngma nyɛ ɔ ha nɛ nyɛ hao mohu lɛɛ, se i pia we ye he kaa i ngma. I pia ye he kaa womi ɔ ha nɛ nyɛ hao, pohu be kpiti ko kɛkɛ.