2 Korintobi 7:2 - BAIBLO ALOO NGMAMI KLƆUKLƆU Ɔ

² Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

Somi He Ɔ

² Nyɛ ha wɔ blɔ ngɛ nyɛ tsui mi! Wa pee we nɔ ko nɔ ko yayami ko; wa puɛ we nɔ́ ko, wa yi nɔ ko amimi.

2 Korintobi 7:2 ပူးပေါင်းရင်းမြစ်များ

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Mateo 10:14

Ke we, loo ma ko mi bi he we nyɛ atuu, nɛ nyɛ sɛ gbi ɔ hu, a bui tue ɔ, nyɛ blɛ nyɛ nane si zu ngɔ pue lejɛ ɔ, nɛ nyɛɛ je.

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Luka 10:8

Ma tsuaa ma nɛ nyɛ maa ya mi, nɛ a ma he nyɛ atuu ɔ, nɔ́ tsuaa nɔ́ nɛ a kɛ maa ma nyɛ hɛ mi ɔ, nyɛɛ ye.

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 11:16

I ngɛ dee ekohu ke nyɛ ti nɔ ko nɔ ko nɛ ko bu mi kuasia. Se ke nyɛ maa bu mi kuasia tete po ɔ, nyɛɛ ngmɛ mi blɔ nɛ imi hu ma fĩa bɔɔ ko.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Filipibi 2:29

Nyɛ he lɛ atuu kɛ bua jɔmi babauu kaa nyɛ nyɛmi nɛ le Nyɔmtsɛ ɔ. Nihi tsuo nɛ ngɛ kaa kikɛ nɛ ɔ, nyɛɛ bu mɛ.

Kolosebi 4:10

Aristarko nɛ a wo i kɛ lɛ tsuo tsu ɔ ke e biɔ nyɛ. Barnaba nyɛmi Marko hu ke e biɔ nyɛ. Nyɛ nine su womi nɔ momo kaa ke Marko ba nyɛ ngɔ ɔ, nyɛ he lɛ atuu.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

Filemon 1:12

I ha nɛ e kpale kɛ ma o ngɔ; pohu e he hia mi kaa imi nitsɛ ye hɛngmɛ.

Filemon 1:17

Enɛ ɔ he ɔ, ke o buu mi o huɛ tutuutu nɛ o kɛ lɛ tsuɔ ní ɔ, he Onesimo atuu kaa bɔ nɛ o ma he mi.

2 Yohane 1:10

Lɔ ɔ he ɔ, ke nɔ ko ba nyɛ ngɔ, nɛ e ba tsɔɔ we ní kaa bɔ nɛ Kristo tsɔɔ ɔ, nyɛ ko he lɛ atuu, nɛ nyɛ ba de lɛ ke, “He manye!” tete po.