2 Korintobi 7:15 - BAIBLO ALOO NGMAMI KLƆUKLƆU Ɔ

¹⁵ Tito kaiɔ bɔ nɛ nyɛɛ kɛ he si bami, kɛ bu he lɛ atuu, kɛ bɔ nɛ nyɛ tsuo nyɛ pee klaalo nɛ ke e de nyɛ nɔ́ ko nɛ nyɛ peeɔ ɔ. Enɛ ɔ he ɔ, e na suɔmi babauu kɛ ha nyɛ pe kekle ɔ po.

Somi He Ɔ

¹⁵ Nɛ e ngɛ nyɛ he tsui babauu pe kekle ɔ, ejakaa e kaii nyɛ kulaa nyɛ tue bumi ɔ, bɔ nɛ nyɛɛ kɛ gbeye yemi kɛ he domi he lɛ hɛmuɔ ɔ.

2 Korintobi 7:15 ပူးပေါင်းရင်းမြစ်များ

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

2 Korintobi 2:9

I ngma nyɛ jamɛ a womi ɔ nɛ ma kɛ ka nyɛ ma hyɛ kaa ke i de nyɛ ke nyɛɛ pee nɔ́ ko ɔ, nyɛ maa pee lo.

1 Yohane 3:17

Ke nɔ ko ngɛ je nɛ ɔ mi ní, nɛ e na e nyɛmi nɛ e fi lɛ, se e mi mi sãã we lɛ ngɛ e nyɛmi ɔ he nɛ e ye bua lɛ ɔ, anɛ e ma nyɛ de ke e suɔ Mawu lo?

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

2 Korintobi 6:12

Wɔɔ lɛɛ wa je wa suɔmi kpo ha nyɛ; nyɛ lɛ nyɛ gbo we wa nɔ.

Ni Tsumi 16:29

Pamitsɛmɛ a nɔ hyɛlɔ ɔ de kɛ ngmlaa ke a ba ha lɛ kane; nɛ e sa fo kɛ sɛ tsu ɔ mi, nɛ e ya kpla si ngɛ Paulo kɛ Sila a nane nya kɛ he domi blibliibli.

Hosea 13:1

Be ko nɛ be ɔ, ke Efraim wɛtso ɔ de nɔ́ ko ɔ, Israel wɛtso kpa amɛ yee gbeye; ejakaa a buu Efraim saminya. Se ma a pee yayami kaa a ya ja Baal; lɔ ɔ he ɔ, a ma gbo.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Lahi 5:4

Ye suɔlɔ ɔ kɛ e nine pɛtɛ sinya a he, kɛkɛ nɛ nɔ́ ko pee mi ngɛ ye tsui mi kaa nɔ́ nɛ e su ye he haa.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 2:11

Nyɛ sɔmɔ Yawɛ kɛ gbeye yemi.

Hiob 21:6

Nɔ́ nɛ ba ye nɔ nɛ ɔ, ke i susu he ɔ, ye he mi poɔ, nɛ ye nɔmlɔ tso ɔ doɔ blibliibli.

Ezra 10:9

Ligbi etɛne ɔ pɛpɛɛpɛ ɔ, Yuda, kɛ Benyamin bi tsuo ba bua a he nya ngɛ Yerusalem. Nyɔhiɔ nɛɛne ɔ we ligbi nyingmi enyɔ ji jamɛ a ligbi ɔ nɛ. Ma a tsuo ba pue si ngɛ magbɛ mi ngɛ Mawu we ɔ hɛ mi, nɛ a he ngɛ doe blibliibli ngɛ sane nɛ ɔ, kɛ jehanɛ hiɔmi nɛ ngɛ nɛe wawɛɛ ɔ he.

Ezra 9:4

Nɔ́ nɛ Israel Mawu ɔ de ngɛ yayami nɛ nihi nɛ kpale kɛ je ma se kɛ ba a pee ɔ he ɔ, nihi babauu nu he. A kɛ he domi blibliibli ba bɔle mi kɛ kpe be mi nɛ i pee basaa kɛ hii si ɔ, hluu kɛ ya si gbɔkuɛ nya si bɔ sami be.

Efesobi 6:5

Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;

Matsɛmɛ I, 3:26

Kɛkɛ nɛ nɔ tutuutu nɛ ji bi nɛ hɛ ngɛ ɔ nyɛ ɔ tsui mi sã lɛ ngɛ e bi ɔ he, nɛ e de matsɛ ɔ ke, “Nɛnɛ, i kpa mo pɛɛ, koo gbe jokuɛ ɔ. Ngɔɔ lɛ ngɔ ha yo ɔ kɛkɛ.” Se yo kaketsɛ ɔ de ke, “Dɛbi! E be ye nɔ́ pee, nɛ e be mo hu o nɔ́ pee; a dla e mi enyɔ.”

Mose I, 43:30

Kɛkɛ nɛ Yosef si mɛ tlukaa, ejakaa benɛ e na e nyɛmi ɔ, e kuɛ si muɔ kpɔ. E miɔ nɛ e ma fo ya ngɛ e nyɛmimɛ ɔmɛ a hɛ mi; lɔ ɔ he ɔ, e he sɔ kɛ ya sɛ e se tsu ɔ mi, nɛ e ya fo ya wawɛɛ ngɛ lejɛ ɔ.

Yohane 16:21

Ke yo ngɛ kɔe nɛ e ma fɔ ɔ, e haoɔ, ejakaa e dengme gbomi be ɔ su; se ke e fɔ pɛ, dengme tsuo nɛ e gbo ɔ, e hɛ jeɔ nɔ; ejakaa e naa bua jɔmi kaa e fɔ bi kɛ wo je ɔ mi.

1 Korintobi 2:3

Lɔ ɔ he ɔ, be mi nɛ i ba nyɛ ngɔ ɔ, ye nɔmlɔ tso ɔ gbɔjɔ, nɛ sawale ha nɛ ye he ngɛ doe blibliibli.