2 Korintobi 6:9 - BAIBLO ALOO NGMAMI KLƆUKLƆU Ɔ

⁹ Wa ngɛ kaa nihi nɛ a li mɛ, se kɛ̃ ɔ, nɔ tsuaa nɔ le wɔ; wa ngɛ kaa nihi nɛ gbo, se kaa bɔ nɛ nyɛ ngɛ hyɛe ɔ, wa hɛ ngɛ. A gblaa wa tue, se wa gbo we.

Somi He Ɔ

⁹ kaa nihi nɛ a li mɛ, kɛ̃ ɔ nɔ tsuaa nɔ le wɔ; kaa nihi nɛ a gbo, nɛ oʼɛ, wa hɛ ngɛ; kaa nihi nɛ ra gblaa a tue, se kɛ ɔ a gbi wɔ;

2 Korintobi 6:9 ပူးပေါင်းရင်းမြစ်များ

Romabi 8:36

Kaa bɔ nɛ ngmami ɔ deɔ ɔ, “O he ɔ, be tsuaa be nɛ ɔ, wa ngɛ gbenɔ nya mi; a buɔ wɔ kaa tohi nɛ a yaa gbe.”

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

1 Korintobi 4:9

Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

1 Korintobi 15:31

Ye nyɛmimɛ, daa ligbi ɔ, i ngɛ gbenɔ nya mi! Fiami nɛ i fĩaa ngɔ fɔɔ nyɛ nɔ ji kaa wa le Nyɔmtsɛ Yesu Kristo.

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Ni Tsumi 25:26

Se i be sane tutuutu ko nɛ ma ngma ya ha Roma matsɛ ɔ. Enɛ ɔ he nɛ i kɛ lɛ ba nyɛ hɛ mi, titli ɔ, mo Matsɛ Agripa o hɛ mi, konɛ ke o hla sane ɔ mi ɔ, ma na nɔ́ ko nɛ ma ngma.

Ni Tsumi 25:19

Nɔ́ nɛ a ngɔ kɛ ba ji mɛ nitsɛmɛ a Mawu jami he nɔ́ jemi sane komɛ, kɛ Yesu ko nɛ gbo, nɛ Paulo lɛɛ e ke e ngɛ je mi kɛ mwɔɔ he sanehi.

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.