2 Korintobi 6:6 - BAIBLO ALOO NGMAMI KLƆUKLƆU Ɔ

⁶ Waa kɛ subai kpakpa, nile nɛ mi kuɔ, tsui si tomi, mi mi himi, klɔuklɔu peemi ngɛ mumi mi, anɔkuale suɔmi,

Somi He Ɔ

⁶ ngɛ he tsɔmi mi, ngɛ ni lemi mi, ngɛ juɛmi nɛ se kɛɛ mi, ngɛ mi mi himi mi, ngɛ Mumi Klɔuklɔu mi, ngɛ suɔmi klɔuu mi,

2 Korintobi 6:6 ပူးပေါင်းရင်းမြစ်များ

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

Efesobi 4:2

Nyɛɛ ba nyɛ he si; nyɛɛ pee nyɛ he humi, nɛ nyɛɛ to nyɛ tsui si. Nyɛɛ na ha nyɛ sibi nɛ nyɛ kɛ tsɔɔ kaa nyɛ suɔ nyɛ he niinɛ.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 3:5

Mumi ɔ nɛ Mawu haa nyɛ, kɛ nyakpɛ níhi nɛ e tsuɔ ha nyɛ ɔ, anɛ mlaa a nɔ nɛ nyɛ yeɔ ɔ he je, aloo sane kpakpa a nɛ nyɛ nuɔ nɛ nyɛ heɔ yeɔ ɔ?

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 11:11

Mɛni he je nɛ i ngɛ enɛ ɔ dee? Pe i sume nyɛ lo? Dɛbi, Mawu le kaa i suɔ nyɛ.

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

2 Korintobi 2:4

Benɛ i ngɛ nyɛ womi ɔ ngmae ɔ, he hiami sɔuu ha nɛ ye tsui kpa miɔ nɛ e ma tsɔ, nɛ kikɛ nɛ ɔ vo nyu ngɛ ye hɛngmɛ mi jee kɛ ngɛ si puee. Pi ye yi mi tomi ji kaa ma ha nɛ nyɛɛ ye kɔmɔ, se mohu bɔ nɛ pee nɛ nyɛɛ na bɔ nɛ i suɔ nyɛ ha.

1 Korintobi 13:4

Suɔmi toɔ e tsui si, nɛ e mi mi hi. Suɔmi hɛ kɔɛ; e fĩɛ, nɛ e pee we pupuupu.

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Manyadali 16:15

Delila de lɛ ke, “Ke o ke o suɔ mi, se imi nɔmlɔ tso ɔ lɛɛ o tsui be ye he ɔ, kɛ ji nɔ́ nɛ ɔ sisi kɛɛ? Si etɛ sɔuu ji nɛ ɔ nɛ o pee mi kuasia; se he nɛ o naa o he wami kpetekpleenyɛ ɔ kɛ jeɔ ɔ, lɔ ɔ lɛɛ o tsɔɔ we mi.”

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

Efesobi 3:4

Ke nyɛ kane nɔ́ nɛ i ngma a saminya a, yi mi nɛ Mawu to ngɛ laami mi, nɛ Kristo ha nɛ e ba mi ɔ, nyɛ maa na bɔ nɛ i nu sisi ha.

Galatabi 3:2

Nyɛ ha ma bi nyɛ nɔ́ kake. Mlaa a nɔ nɛ nyɛ ye, aloo sane kpakpa a nɛ nyɛ nu nɛ nyɛ he ye ɔ nɛ ha nyɛ na Mumi Klɔuklɔu ɔ?

1 Korintobi 2:4

Ní nɛ i tsɔɔ, kɛ sɛ gbi nɛ i fiɛ ɔ hu, pi nile munyu nɛ plɛɔ nɔ yi mi nɛ i tu. Se mohu Mawu Mumi ɔ, kɛ he wami ɔ lɛ tsu ní nɛ ɔ,

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.

1 Timoteo 5:2

Yi nikɔtɔma amɛ ɔ, o kɛ mɛ nɛ hi si kaa mo nitsɛ o nyɛmɛ, nɛ o kɛ yihewi ɔmɛ nɛ hi si kaa o nyɛmiyihi; se hyɛ nɛ yakayaka fiɛmi kó ba je mi.

Kolosebi 2:3

Nile, kɛ juɛmi nɛ mi kuɔ ɔ, Kristo mi a naa ngɛ.

1 Korintobi 12:8

Mawu mumi ɔ haa nɔ ko he wami nɛ e kɛ tuɔ munyu nɛ juɛmi ngɛ mi. Jamɛ a mumi ɔ nɔuu haa nɔ kpa hu he wami nɛ e kɛ tuɔ munyu nɛ sisi numi ngɛ mi.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

2 Korintobi 2:10

Ke nyɛɛ kɛ nɔ ko he yayami pa lɛ ɔ, kɛkɛ imi hu i kɛ pa lɛ. Ke e hia kaa ma ngɔ nɔ ko he yayami kɛ pa lɛ ɔ, nyɛ he ɔ, i ngɔɔ kɛ paa lɛ; ejakaa i le kaa nɔ́ nɛ i ngɛ pee ɔ, Kristo ngɛ hyɛe.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.