2 Korintobi 6:4 - BAIBLO ALOO NGMAMI KLƆUKLƆU Ɔ

⁴ Se mohu ngɛ nɔ́ tsuaa nɔ́ mi ɔ, wa bɔɔ mɔde kaa wa maa tsɔɔ kaa Mawu tsɔli ji wɔ niinɛ. Wa toɔ wa tsui si ngɛ haomi, kɛ fimi, kɛ he hiami mi.

Somi He Ɔ

⁴ se mohu nɔ́ tsuaa nɔ́ mi ɔ, waa kɛ wa he nɛ tsɔɔ kaa Mawu sɔmɔli ngɛ tsui si tomi babauu mi, ngɛ nɔ namihi a mi, ngɛ fimihi a mi, ngɛ he hiamihi a mi,

2 Korintobi 6:4 ပူးပေါင်းရင်းမြစ်များ

Yesaya 61:6

Se nyɛ ye ma a, a ma tsɛ nyɛ ke Yawɛ osɔfohi, a ma tsɛ nyɛ Mawu sɔmɔli hulɔ. Je ma amɛ a ní ɔ, nyɛ nyɛ maa ye, nɛ nyɛ bua maa jɔ kaa lɛ tsuo ba pee nyɛ nɔ́.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

Ni Tsumi 20:34

Nyɛ nitsɛmɛ nyɛ le kaa nɔ́ tsuaa nɔ́ nɛ hia mi ɔ, ye nine nguɛ nɛ ɔmɛ i kɛ tsu loko i na; ye nyɛmimɛ ɔmɛ a hiami níhi po, imi lɛ i ha mɛ.

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Romabi 14:18

Ke nɔ ko ngɛ Kristo sɔmɔe ngɛ kikɛmɛ a blɔ nɛ ɔ nɔ ɔ, e ngɛ Mawu suɔmi nya ní pee, nɛ e saa nimli adesahi hu a hɛ mi.

Romabi 16:10

I biɔ Apele; a yeɔ e he odase kaa e sɔmɔɔ Kristo saminya. I biɔ Aristobulo weku ɔ hulɔ.

Romabi 3:5

Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

1 Korintobi 4:1

Nyɛɛ bu wɔ kaa Kristo tsɔli nɛ Mawu ngɔ laami sɛ gbi ɔ ngɔ ha wɔ ke waa fiɛ.

1 Korintobi 9:11

Ke wa ba du mumi mi níhi ngɛ nyɛ tsui mi ɔ, anɛ e ji nɔ́ ko nɛ he wa tsɔ kaa wɔ hu wa na he lo ɔ hiami níhi kɛ je nyɛ dɛ lo?

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

2 Korintobi 11:27

I gbo dengme kɛ tsu ní wawɛɛ nɛ be komɛ mahe hwɔmi be mi. Hwɔ kɛ kuma yeɔ mi; be komɛ po i haa hwɔ; fĩɛ yeɔ mi, nɛ he hami nɔ́ hiaa mi.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

2 Korintobi 12:12

Mawu pee nyakpɛ ní nguahi, kɛ okadihi kɛ gu ye nɔ benɛ i ngɛ ní tsue kɛ tsui si tomi ngɛ nyɛ kpɛti ɔ. Nyakpɛ ní nɛ ɔmɛ tsɔɔ kaa niinɛ, bɔfo ji mi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

2 Korintobi 4:8

Nihi haoɔ wɔ be tsuaa be, se kɛ̃ ɔ, a yi wa nɔ; be komɛ ɔ, wa yi mi peeɔ wɔ enyɔɔnyɔ, se kɛ̃ ɔ, wa nine mi wui nyu;

2 Korintobi 7:11

Nɛ́ e pee nyɛ kaa nyɛ hao ɔ, nyɛɛ hyɛ nɔ́ nɛ je mi kɛ ba! Nyɛ nɔ gbagba te, nɛ nyɛ suɔ kaa nyɛ maa tsɔɔ kaa nyɛ pee we yayami ko. Nɔ́ nɛ ba a dɔ nyɛ, nɛ nyɛ ye gbeye kaa nɔ́ ko pa ngɛ se kɛ ma. E pee nyɛ kaa nyɛɛ na mi, konɛ nyɛ fa ye he, nɛ nyɛɛ gbla yayami peelɔ ɔ tue. Ngɛ blɔ tsuaa blɔ nɔ ɔ, nyɛ tsɔɔ kaa sane nɛ ba a, nyɛ li he nɔ́ ko.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

1 Tesalonikabi 3:7

Lɔ ɔ he ɔ, nyɛmimɛ, nyɛ hemi kɛ yemi ɔ woɔ wɔ he wami ngɛ amanehlu, kɛ nɔ́ nɛ wa ngɛ nae nɛ ɔ mi.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

1 Timoteo 2:15

Se ke yo ɔ kɛ hɛdɔ he Mawu ye, nɛ e suɔ nyɛmimɛ ɔmɛ, nɛ e pee e he klɔuklɔu kɛ humi ɔ, Mawu ma he e yi wami kɛ gu bimɛ nɛ e ma fɔ ɔ a nɔ.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

2 Timoteo 2:24

Nyɔmtsɛ ɔ sɔmɔlɔ ɔ, e sɛ́ kaa e pɛɔ, mohu ɔ, e mi nɛ jɔ ha nɔ tsuaa nɔ; e pee ní tsɔɔlɔ kpakpa nɛ toɔ e tsui si.

2 Timoteo 4:5

Se moo lɛɛ, o hɛ nɛ ka si be tsuaa be. Ke o ngɛ nɔ́ nae ɔ, to o tsui si. Bɔɔ sane kpakpa a fiɛmi he mɔde wawɛɛ, konɛ o pee Mawu sɔmɔlɔ kpakpa.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.