2 Korintobi 6:3 - BAIBLO ALOO NGMAMI KLƆUKLƆU Ɔ

³ Wa bɔɔ mɔde kaa wa ko ngɔ nɔ́ ko kɛ tsi nɔ ko blɔ, bɔ nɛ pee nɛ a ko gbe sɔmɔmi ní tsumi nɛ wa hɛɛ mi ɔ he guɛ.

Somi He Ɔ

³ Jehanɛ hu, wa pi kpangmi ha nɔ ko nɔ ko ngɛ nɔ́ ko nɔ́ ko mi, konɛ a ko gbe sɔmɔmi ɔ he guɛ,

2 Korintobi 6:3 ပူးပေါင်းရင်းမြစ်များ

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

2 Korintobi 8:20

Wa ngɛ mɔde bɔe nɛ wa ko pee nɔ́ ko nɛ ma ha nihi maa tu munyu yaya ngɛ nike ní nguaa nɛ ɔ nɔ hyɛmi he.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Mateo 18:6

“Hemi kɛ yemi nɛ jokuɛ tsɔwi nɛ ɔmɛ ngɛ ngɛ ye mi ɔ, ke nɔ ko ha nɛ a ti nɔ kake hemi kɛ yemi ɔ ta a, afani nɛ a kɛ teji wɛ muɔ nɔ ɔ kuɛ, nɛ a sake lɛ kɛ fɔ wo mi he nɛ kuɔ.

Ni Tsumi 19:27

Nɔ́ nɛ fɔɔ si paa ji, wa ní tsumi ɔ he guɛ ma gbo. Pi lɔ ɔ kɛkɛ, se mohu a maa ye yo mawu Artemi jami he ɔ he fɛu, nɛ bɔ nɛ a nyaa e he ngɛ Asia, kɛ je ɔ mi tsuo ɔ se maa po!”