2 Korintobi 6:16 - BAIBLO ALOO NGMAMI KLƆUKLƆU Ɔ

¹⁶ Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Somi He Ɔ

¹⁶ Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

2 Korintobi 6:16 ပူးပေါင်းရင်းမြစ်များ

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

Mose II, 20:3

“Ko ja mawu ko kɛ piɛ ye he.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Ezekiel 43:9

Jehanɛ lɛɛ a ma kpa mawu kpahi jami, nɛ a ma je a matsɛmɛ ɔmɛ a gbogboe ɔmɛ kɛ je ye kasa nya kɛ ya se lokoo. Ke a pee ja a, ma hi a kpɛti kɛ maa ya neneene.”

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Luka 5:36

Yesu bu mɛ abɛ nɛ ɔ hu ke, “Nɔ ko gba we tade he nya kɛ ta we tade momo mi. Ke e pee ja kɛkɛ e hia tade he ɔ, nɛ tade he ɔ nya nɛ a je ɔ, kɛ tade momo ɔ hu be yae fiee.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 6:56

Nɔ tsuaa nɔ nɛ yeɔ ye he lo, nɛ e nuu ye muɔ ɔ hii ye mi, nɛ imi hu i hii e mi.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

Romabi 9:26

“Nɛ e maa ba mi kaa he nɛ a ma de mɛ ngɛ ke, ‘Pi ye ma ji nyɛ’ ɔ, lejɛ ɔ nɔuu a ma tsɛ mɛ ngɛ ke, ‘Mawu hɛ kalɔ ɔ bimɛ.’ ”

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Mose V, 5:7

“ ‘Ko ja mawu ko kɛ piɛ ye he.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

2 Timoteo 1:14

Mumi Klɔuklɔu ɔ nɛ ngɛ wa mi ɔ, é wo mo he wami, konɛ ní kpakpahi nɛ a tu ngɔ wo o dɛ mi ɔ, o bu he.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Yohane 4:12

Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.

1 Yohane 4:15

Nɔ tsuaa nɔ nɛ jajeɔ paa kaa Yesu ɔ, Mawu Bi ji lɛ ɔ, Mawu hii e mi, nɛ lɛ hu e hii Mawu mi.

Kpojemi 2:1

Nɛ e de ke, “Bɔfo ɔ nɛ ngɛ Efeso asafo ɔ nya a, ngmaa womi nɛ ɔ ya ha lɛ ke, “Nɔ nɛ hɛɛ dodoe kpaago ɔmɛ ngɛ e hiɔ nine mi, nɛ e ngɛ nyɛɛe ngɛ sika tsu kane tso kpaago ɔmɛ a kpɛti ɔ, sɛ gbi nɛ je e ngɔ ji nɛ ɔ nɛ.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.